æfðum höndum . . .

Í gær þurfti ég aftur að hringja í SimensMileviðgerðarþjónustuna. Já, rétt þvottavélin er síðan í nóvember. Æfðum höndum sló ég inn 1 og 2 og 4 eftir því sem leiðbeiningaröddinísímanum leiddi mig áfram í átt að réttu þjónustudeildinni. Þegar ég var búin að ýta á rétta talnarullu (gott að vera ekki með athyglisbrest) þá fékk ég að vita að ég væri mjög aftarlega í langri biðröð (sennilega öftust) símaröddin bauð mér að slá inn númerið mitt og lofaði að ég héldi plássinu mínu í röðinni (öftust) og þau mundu hringja í mig. Fínt tilboð sem ég tók við. Sló inn mínu númeri og fór að læra. Þetta var klukkann níu. Um tólfleitið þótti mér ég hafa verið lengi í biðröðinni og hringdi aftur. Nú þáði ég ekki hringjumíþig kostaboðið en beið sjálf í 13 mínútur. Þá svaraði hún Lina og ég sagði henni hvað væri, vélin dældi ekki af sér vatni og svo vindur hún ekki alltaf ( það er ekkert nýtt) já sagði Lina ég sendi viðgerðramann, hann kemur á milli 8 og 16 þann 25/6. Nei, sagði ég kurteis, hann veður að koma í síðasta lagi á morgunn. Það er ekki hægt sagði Linasímalína. Það fannst mér skrítið og spurði hvort þau þyrftu ekki að uppfylla ákveðið lágmarks þjónustustig. Jú, sagði hún svona er þetta. Ég ýtrekaði að 25 júní væri of langt í fjarskanum til að ég gæti sætt mig við að bíða þvottavélalaus. Ég heyri að þú vilt kvarta segir Linasímalína fúl. Ha? Já, þú vilt ekki taka við tímanum sem ég hef handa þér og þá viltu kvarta. Nú skildi ég lítið. Kvarta? Ég vil bara fá þvottavélina lagaða í dag eða í síðasta lagi á morgunn. Já, þú vilt ekki taka við þeim viðgerðatíma sem ég bíð þér og því sendi ég þig til Peter. Svo ég var send til Peter en hann var á tali og Linasímalína kom atur í símann og sagði að Peter væri upptekinn en að hann myndi hringja í mig. Nú? takk? Svo var símtalinu lokið og ég með bilaða þvottavél sem ekki var fyrir séð hvenær kæmist í lag. Rétt seinna hringir Linasímalína aftur og segir mér að hún hafi verið að tala við mig fyrir minna en 5 mínútum. Já, ég mundi það. Svo sagði Línasímalína mér frekar fúl að það væri búið að kalla til annann viðgerðarmann og að hún mundi senda beiðni á hann í dag sem hann sæi í kvðld og svo mundi hann hringja á morgunn. Já, já, sagði ég þar sem  hún var svo ansi fúl. Sennilega hefur Peter ekki viljað tala við mig, fundist eins og mér að 25 júní væri ansi mikið í blámóðu frammtíðar þegar um væri að ræða þvottavél sem ekki virkaði. Varla hafði ég lagt símtólið til hleðslu þegar hringt er aftur og er þetta nú SimensMileviðgerðarmaðurinnsemkallaðurvarútogekkiáttiaðhringjafyrrenámorgunn. Spurði hann hvort ég væri heima og játti ég þvi í undrun minni á því er var að gerast. Kort sagt innan 30 mínútna var hann hér, hafði lagað helminginn af vandamálinu og var farinn

Allt bú. . .

Sit hér og bíð eftir að tíminn líði. Ég er komin fram úr sjálfri mér og framtíðinni með það sem ég þarf að gera

 

Trúðir þú þessu?

Bara að grínast svona í morgunnsárið. Þvottavélin er biluð enn eina ferðina og ég hef því lítið annað að gera en að horfa á þvottahrúguna hækka.
Reyndar passar þetta ekki því ég er frekar forhert. Hringdi bara í Stínu nabo í gærkvöldi og spurði: má ég koma yfir með þvott, vélin er biluð? já, það er ok en er þetta ekki ný vél? Jú, ég kaupi bara bilaðar vélar sagði ég sannleikanum samkvæmt. Svo döslaði ég blauta þvottinum í poka og bala og fór yfir til Stínu nabo. Það þurfti 5 fúla brandara áður en hún sagði: viltu ekki bara að ég hengi þetta upp fyrir þig þegar vélin er búin og þú getur svo náði í þetta á morgunn hjá mér? Jú, sagði ég og skottaðist alsæl heim til mín og fór að mála í myrkrinu. Mér finnst það besti tíminn til að mála, þá gengur allt svo vel. Reyndar þurfti ég svo að mála allt aftur í morgunn en það er annað mál. . . 

Ég er enn í skólanum, fer í vörnina 25/6. Ég tek því rólega og vinn vörnina þegar nær dregur. Væri svo leiðnlegt ef ég væri löngu búin með þetta og stæði svo fyrir framan kviðdóminn og færi að bulla um eh allt annað eins og brú yfir Þjórsá í staðinn fyrir sumarbústað

Í gær sló ég grasflötina, eða það sem var grasflöt. Þetta er eiginlega eins og sviðin svörður með einstaka löngu strái og það voru þau sem fóru í útlitstaugarnar á mér. Ætli það komi gras aftur eða skyldum við þurfa að setja pall yfir allann garðinn? Erum langt komin með það.

Í gær ringdi, þá fór ég og vökvaði tómatplönturnar. Ég er í svo góðum takt við veðrið.

Nú skín sólin og því ætla ég út og láta ljós mitt skína þar henni til samlætis. Já, það verður bjartur dagur í dag

Ó, já svo mög voru þau orð . . .

Allt bú... 

 

 

. . .

Ótrúlegt hvað ein fyrirsögn getur komið í veg fyrir að maður bloggi!! Oft er ég með alveg brillijant efni í kollinum. Tilbúið til niðurritunar, en þá gerist það! Hver á fyrirsögnin að vera??? Og þá "Nonni" minn gerist það... Allt þetta sem var tilbúið til niðurritunar hverfur!!! Hviss, bæng, faaaarið.

Svona er þetta ekki í dag. Ég snuðaði með því að sniðganga fyrirsögnina. Dem... hvað maður getur verið klár

Það var þannig að þegar ég stóð undir sturtunni áðan þá áttaði ég mig á því að ég væri með snilldarblogg í kollinum. Málið var þó að plan dagsins stendur upp á hreingerningu og engan skóla í staðinn. Að auki hafði ég leyft mér að vera smá drílinn inn á síðu hjá vinkonu minni sem kvartaði yfir vöntun af tímum í sólarhringinn. Ef ég fer að bæta meiru inn á þennan dag heldur en þrifum og undirbúining fyrir matarboð í kvöld þá er ekki víst að það verði svo vel þrifið eins og plön sögðu til um í gær þegar ég var að skipuleggja mig. Reyndar er það þannig að mér gengur vel að skipuleggja næsta dag. Alveg þrælvön því. Það er aðeins einn hængur á mínu skipulagi og það er að ég er ekki eins æfð í að fara eftir þessu plani gærdagsins Ég er samt öll af vilja gerð til að taka mig á og því ákvað ég að bæta bloggtíma inn á gærdagsplanið og til að vinna þann tíma, spreyjaði ég sturtuna með kalkhreinisi, henti í þvottavélina og setti uppþvottvélina í gang. Það sjá þeir sem vilja að þetta er bullandi aksjon. 

Nú er þessi inngangur orðin svo langur að ég man ekki hvað ég ættlaði að blogga um í tærri snilld minni.  Niðurstaðan er því sú að langir inngangar geta líka komið í veg fyrir snilldarblogg. 

Vandlifað.

Til að valda ekki algerum vonbrygðum set ég samt inn smá hugrenningar og upplifanir. 

Alveg get ég orðið steinhissa þegar fólk tekur feil á mér og Hjálparstofnun kirkjunnar eða Flóttamannahjálp Sameinuðuþjóðanna.
Þetta kemur einstaka sinnum fyrir og mikið hrikalega er erfitt að leiðrétta svona misskilning! Hvað segir maður við fólk sem er svona áttavillt?
Ég ákvað bara að þegja og vona að viðkomandi kæmi til ráðs og rænu, nú eða fengi betri ráðgjöf en þá sem vísaði honum á minn vasa!

Var í afmæli á laugardaginn og það er svo sem ekki í frásögur færandi nema vegna þess að svo skemmtilega vildi til að þarna hrönnuðust upp "tilviljanir/vilji til" atriði.
Ásdís bloggvinkona mín bað mig í fyrravor að skila kveðju til hjóna sem búa hér.Kveðjan var frá henni og Bjarna. Þar sem ég hitti þessi hjón sjaldan þá var kveðjan ekki komin til skila. En... á föstudaginn fórum við til afmælisbarnanna að trufla þau við undirbúninginn þá komu skilaðukveðjutilhjónin með dót sem nota átti í afmælið. Semsagt aðhjálpafólk og þau hittu okkur að truflafólk hjá aðhaldaafmælifólkinu. Ég skilaði kveðjunni samviskusamlega. Fékk að vita að við hittumst aftur daginn eftir sem við og gerðum og þá gætum við Jói sem dó og ég planað móttökur á konunglegu liði sem er væntanlegt hingað á mánudaginn!Tær snilld, sérstaklega þegar litið er til þess að við bara þekkjumst ekkert.

Hér eru heiðurshjónin umræddu sitthvoru meginn við dönsku mágkonuna mína.

Þessi hljómborðsleikari er víst þekktur í Sönderborg

Þetta er kagginn minn, hann er til sölu því BT keypti sér bíl.

Svona hugsa ég nú um minn bíl. Geri aðrir betur

Úff... ég svitnaði áðan, datt í hug hve lengi má kalkuppleysir vera á flísum án þess að húðin fari af flísunum??? 
Þori ekki annað en að þrífa efnið af og það þýðir að þið missið enn einu sinni af snilldarbloggi.

Svona getur lífið verið.

 

skoðaðu . . .

Sá þennan lista á síðunni hjá Ásdísi og svo Hulluog ákvað að fara í smávegis sjálfsskoðun. Væri gaman ef þið skilduð eftir svörin ykkar í kommentakerfinu. Hér er gott tækifæri til að svara í  hreinskilninni.

 

1.   ERTU SKÍRÐ/UR Í HÖFUÐIÐ Á EINHVERJUM ?   Já, Guðrún eftir föður ömmu minni og Svandís eftir næst yngstu systur mömmu, hún dó 8 mánaða.

2. HVENÆR FÓRSTU SÍÐAST AÐ GRÁTA ? Man það ekki . . .

3. FINNST ÞÉR ÞÚ SKRIFA VEL ?Alveg ótrúlega vel

5. ÁTTU BÖRN ? EF JÁ HVE MÖRG ? 3 börn, 1 son og 2 dætur.

6. EF ÞÚ VÆRIR EINHVER ANNAR EN ÞÚ ERT,VÆRIRÐU VINUR ÞINN ?Ó, já!!!

7. NOTARÐU KALDHÆÐNI MIKIÐ ? JÁ

8. FÆRIRÐU Í TEYGJUSTÖKK ?   Nei

9. HVAÐA MORGUNMATUR ER Í UPPÁHALDI HJÁ ÞÉR ? Herbasheik

10. REIMARÐU FRÁ ÞEGAR ÞÚ FERÐ ÚR SKÓNUM ? Nei

11. TELURÐU ÞIG ANDLEGA STERKA ?já

12. HVERNIG ÍS ER Í UPPÁHALDI HJÁ ÞÉR ? Þýskur vaniluís ú Aldi.

13. HVAÐ ER ÞAÐ FYRSTA SEM ÞÚ TEKUR EFTIR Í FARI FÓLKS ? Framkoma

14. RAUÐUR EÐA BLEIKUR VARALITUR ? Ljósbleikur.

15. HVAÐ MISLÍKAR ÞÉR MEST VIÐ SJÁLFAN ÞIG ?  Skortur á sjálfsaga

16. HVAÐA MANNESKJU SAKNAR ÞÚ MEST ?  Pabba, sem er á lífi en fangi í eigin líkama ......

17. VILTU AÐ ALLIR SEM LESA ÞETTA SVARI ÞESSUM LISTA ? Það væri gaman.

18. HVAÐA LIT AF BUXUM OG SKÓM ERTU Í NÚNA ? Svörtum skóm og svörtum skokk ;) 

19. HVAÐ VAR ÞAÐ SÍÐASTA SEM ÞÚ BORÐAÐIR ? banani, ananas og jarðaber með RJÓMA ;)

20. Á HVAÐ ERTU AÐ HLUSTA NÚNA ?  Ekkert.

21. EF ÞÚ VÆRIR LITUR, HVAÐA LITUR VÆRIR ÞÚ ? Eiturgrænn eða appelsínugulur. . .

22. HVAÐA LYKT FINNST ÞÉR BEST ?  nýja ilmvatnið mitt . . .

23. VIÐ HVERN TALAÐIRÐU SÍÐAST Í SÍMA ?  Rut

 24. LÍKAR ÞÉR VEL VIÐ ÞÁ MANNESKJU SEM SENDI ÞÉR ÞESSAR SPURNINGAR ?  Sko... sá þetta hjá Ásdísi og Hullu minni og þaðan kemur þetta. Þær eru æði

25. UPPÁHALDSÍÞRÓTT SEM ÞÚ HORFIR Á ? Tour du Frans 

26. ÞINN HÁRALITUR ?  dökkur og svo fagur

27. AUGNLITUR ÞINN ?  Bara að skoða....

 28. NOTARÐU LINSLUR ?  Nei, en hef velt því fyri mér hvort það sé lausnin þegar ég set eyliner
 á mig ;) 

29. UPPÁHALDSMATUR ?  Góður matur með góðum vinum

30. HRYLLINGSMYND EÐA GÓÐUR ENDIR? Gamanmyndir, annað er leiðinlegt ;)

31. SÍÐASTA BÍÓMYND SEM ÞÚ SÁST Í BÍÓ ?  OMG. Ég man það ekki. Samt í Kolding um páskana, voða gaman ;)

32. KNÚS OG KOSSAR EÐA LENGRA Á FYRSTA DEITI ?  Iss var algjör slut hérna í denn.

33. UPPÁHALDS EFTIRRÉTTUR ? þýskur vanilluís

34. HVER ER LÍKLEGASTUR TIL AÐ SVARA ÞESSU OG BIRTA ?Líklegur? engin held ég, er svo slow

35. HVER ER ÓLÍKLEGASTUR ? BT o g Magni

36. HVAÐA BÓK ERTU AÐ LESA ?  Leyndarmálið

37. HVAÐA MYND ER Á MÚSAMOTTUNNI ÞINNI ?  Eengin motta. . .
38. Á HVAÐ HORFÐIRÐU Í SJÓNVARPINU Í GÆR ? Sjónvarpið er ekki tengt
 
 40. HVAÐ ER ÞAÐ LENGSTA SEM ÞÚ HEFUR FARIÐ FRÁ ÍSLANDI ? Florida :)

41. HVERJIR ERU ÞÍNIR HELSTU EIGINLEIKAR ? Diplomat og sanngirni

42. HVAR FÆDDISTU ? Á Landsspítalanum

43. SVÖR FRÁ HVERJUM ERTU SPENNTUST/SPENNTASTUR AÐ FÁ SJÁ ? Geri mér litlar vonir ....

ég er hér enn...

Hef lítið nennt að blogga undanfarið. Þegar veðrið er svona gott þá er áhuginn meiri á því sem er utandyra. Vil samt aðeins bæta úr þessu fréttaleysi með því að setja inn nokkrar myndir. Nýustu framkvæmdir er þó ekki búið að mynda, það kemur seinna


Ingunn Fjóla fór til Suður Ameríku í  6 vikur með henni Tinu úr sveitinni.
Ferðin var frábær og Ingunn farin að plana næstu ferð. Við Bryndís sóttum þær til hamborgar, brunuðum í sveitina með Tinu, fengum frábærar móttökur þar að vanda og svo var haldið til Sönderborg. Sóttum Billa í vinnuna og svo var slegið upp afmælis- og velkomin heim veislu 


Bryndís er alltaf jafn ánægð með dvölina í höllinni en nú fer skólinn að verða búin og þá fara vinirnir í allar áttir.
Hún ætlar að skella sér til Íslands og vinna þar í fríinu sínu.

Baldi er enn í Asíu og finnst voða gaman þar með Birnu sinni. Drengurinn er nú skallapoppari og milli. Þetta varð til þess að nú vill pabbi hans bætast í þann hóp


Vananum trú, voru tómatarnir á sínum stað en þá upphófst barátta við snaróðan svartþröst!
Baráttunni lauk með að hin klókari sigraði


Í ár var ákveðið að byrja á pallinum sem koma á í kringum húsið. Framkvæmdir ganga markvist fram og eru þetta "gamlar" myndir af fyrirbærinu


Maður hefur verið í léttri sveiflu við að kaupa blóm og potta
Voða gaman


Draumar eru til að láta rætast

Við höfum verið verið dugleg við þá yðju


Ó, já... skápurinn varð minn og fyrir það þakka ég Fjólunni minni og gullmolanum honum Bassa. Takk elskurnar mínar.

Lífið er ljúfur draumur.
Njótum þess.

Friðarspillar???

Alveg hefur það verið með ólíkindum hvernig ferð Balda og Birnu hefur verið. Sem betur fer hefur ferðin í alla staði gengið vel hjá þeim. En... 
Það er nefnilega þetta skrítna sem fylgir sem en... Þegar þau yfirgefa staði fer allt á annann endann eða því sem næst. Sprengjur springa og órói í gangi. Þau hafa lofað að reyna skilja betur við staði en mér sýnist að það hafi ekki alveg tekist í Katmandu höfuðborg Nepal. Þar er nú allt á leið til...  ja, fer eftir stjórnmálaskoðun manns hvort allt sé á leið til andsk... eða til hins betra. 

Hér er frétt sem ég tók á mbl.is:

"Borgaryfirvöld í höfuðborg Nepal, Katmandu, hafa lagt bann við mótmælafundum og -göngum í hluta borgarinnar. Bannið tekur gildi í dag en eftir tvo daga mun nýkjörið þing landsins koma saman og lýsa yfir lýðræði en landið hefur verið konungsríki í rúmlega tvö hundruð ár.

Maóistar sigruðu í kosningum sem fram fóru í Nepal í síðasta mánuði og þegar niðurstöður kosninganna lágu fyrir sagði Prachanda, leiðtogi maóista, að fyrsta verk nýs stjórnlagaþings yrði að leggja niður 239 ára konungsveldi Nepals. „Það verða ekki gerðar neinar málamiðlanir varðandi konungsveldið," sagði Prachanda."

Baldvin hafði mjög gaman af því að kynna sér það sem var og er að gerast í Katmandu þegar hann var þar og var áhugi hans orðin slíkur að ég mælti með því að hann færi að hypja sig úr landinu svo hann færi ekki að taka þátt í þessum þörfu breytingum 
Í Nepal eins og mörgum fátækum konungsríkjum sveltur þjóðin á meðan konungsveldið veltir sér í ofgnót og alsnægtum.
Það er von mín að þessi stjórnarbreyting gerist hið fyrsta og að þessu stolta fólki takist að byggja upp ríki sem hlúir og eflir þegna landsins. Þetta duglega fólk sem byggir Nepal á allt gott skilið.

Baldi minn, hvernig er ástandið í Norður-Tailandi?
Drífa sig að nýta netið

Megi þið eiga góðan dag!

Minnist . . .

Í dag vil ég minnast ástkærrar tengdamóður minnar, Ingunnar Kjartansdóttur. Þessi elska hefði orðið 85 í dag ef hún hefði lifað. Hún lést 4. september 2000 eftir mikil og erfið veikindi.
Þó svo árin líði frá andlátinu hefur söknuðurinn eftir henni ekki horfið. Oft kemur hún upp í huga mér við ýmis tilvik, sérstaklega þegar glettni skín í gegnum atvik og uppákomur. t.d. þegar Kristján sonur hennar kom í heimsókn til okkar. Hann hefur alveg ótrúlega líkan húmor og hún hafði. Engin nema hún hefði líka grett sig og geyflað í gegnum glerið í komuganginum á Billund eins og hann gerði, þegar hann sá okkur bíða hinum megin við glerið
Matarást á tengdó er líka inni í söknuðinum og er þar fyrst að nefna brúnu súkkulaðitertuna hennar sem hún slengdi saman á sunnudögum ásamt öðrum góðum tertum. Ummmm...
Hún var skemmtileg amma og kenndi börnunum mínum ýmislegt sem ekki var auðvelt að venja þau af. Hún taldi Balda trú um að maður ætti að biðja um nýtt tyggjó þegar bragðið væri búið og svo ætti maður að spíta ávaxtasteinum út í loftið þaegar maður borðaði appelsínur og vínber. Hann trúði ömmu sinni algerlega og það var ekki auðvelt að fá hann til að skilja að amma hefði bara verið að fíflast. Sláturgerð með ömmu er líka minnistæð. Þar fékk Ingunn Fjóla að handleika lifrpylsukeppina eins og hana lysti og skemmtu bæði amma og snótin sér vel við að hún setti herlegheitin á hausinn Ég hef ekki farið út í gera slátur með Ingunni Fjólu síðan
Bryndís fékk líka að kynnast ýmsum góðum töktum hjá ömmu sinni líkt og eldri systkyni hennar.

Elsku tengdamamma, takk fyrir að vera það sem þú varst okkur. Minningin um þig er með okkur, það sem þú varst okkur, yljar hjarta okkar .
Við elskum þig lífs og liðna.
Þín,
Guðrún

Afmælisbarn dagsins

Frábær bloggvinkona á afmæli í dag. Konan er frábær penni, einlæg í skrifum sínum um lífið og tilveruna. Ég óska henni Steinu í Leje hjartanlega til hamingju með daginn og sendi henni mínar bestu kveðjur héðan frá Als.

Gengur ekkert að setja inn kvittkveðjur.

vandamál hjá mér síðustu daga. Nenni ekki svona bulli. Get ekki einu sinni svarað mínum kæru bloggvinum. Set því kvittið mitt til þeirra hér inn og vona að þetta fari að lagast. Getur ekki verið mér að kenna....

Ásdís, það verður frábært hjá þér í göngutúrunum og ég skil Óskar vel að vilja fá ykkur út í veðurblíðuna hér á þessa sömu ósk um að fá mömmu mína út en pabbarnir okkar sitja fyrir og þannig á það að vera  Ég verð á Íslandi eftir miðjan júlí fram í byrjun ágúst.

Kær kveðja á ykkur Akureyrarskvísur

Gunni Palli, þetta er nákvæmlega það sem ég upplifi, þess vegna vil ég byrja í þessum svo kallaða meðvindi

Flott hjá þér Steina að velja að vera sólarmeginn, þar vil ég líka vera

Gengur illa að kvitta alls staðar. Þetta er tilraun 9!!!  

 

Og þá . . .

- hefst lesturinn?

- hefjast skriftirnar?

- ?

Ætlaði annars bara að segja að Töfraprikið er komið út undir bert loft. Nú er engin leið að hemja það, biðin var svo löng.  Nú svíf ég á Töfraprikinu mínu um Als og er bara flott. Í fínu outfitti og allt í góðu. Þegar við BT lögðum af stað áðan í 2 túr vorsins/sumarsins þá hugsaði ég; hummmm ummmm þegar hann spurði hvort við ættum ekki að hjóla upp fyrir Danfoss. Hvað er það langt? 40km sagði hann brattur. Ég hugsaði: 40 km í 2 túr vorsins/sumarsins Upphátt sagði ég: Já, látum reyna á það () BT vill alltaf byrja í mótvindi og hafa meðvind á leiðinni heim, þess vegna valdi hann Danfoss. Ég vil hafa meðvind í byrjun og vona svo að vindur hafi snúist þegar kemur að heimferð. Annars er ég betri á heimleið. Svona eins og heimasjúkt hross. Svo héldum við af stað. Minn hraðamælir er betteríslaus svo það var stólað á BT. Mjög mikilvægt hjá mér að vita þegar ég hjóla hratt

Svo var lagt af stað. Hraðinn á sléttu fínn og allt í góðu. Þegar við komum lengra inn á Als, hvatti ég minn til að taka bara brekkurnar á sínum keppnishraða. Ég er meira svona, ætla upp, í brekkum
Þetta gekk allt alveg fínt en svo fór ég að dragast smá aftur úr, brekkur og svoleiðis. BT spændi í brekkurnar og fyrir ofan Danfoss mætti ég honum á baka leið. Can you tell my hvar Vífilstaðavegur is? (þýðir: hvar er 20 km markið) Hjá bláa skiltunu, ég þangað og svo til baka og nú á blússandi ferð. Ég er best á heimleið  

Ó, já þinng var það. . .