ég er hér enn...

Hef lítið nennt að blogga undanfarið. Þegar veðrið er svona gott þá er áhuginn meiri á því sem er utandyra. Vil samt aðeins bæta úr þessu fréttaleysi með því að setja inn nokkrar myndir. Nýustu framkvæmdir er þó ekki búið að mynda, það kemur seinna


Ingunn Fjóla fór til Suður Ameríku í  6 vikur með henni Tinu úr sveitinni.
Ferðin var frábær og Ingunn farin að plana næstu ferð. Við Bryndís sóttum þær til hamborgar, brunuðum í sveitina með Tinu, fengum frábærar móttökur þar að vanda og svo var haldið til Sönderborg. Sóttum Billa í vinnuna og svo var slegið upp afmælis- og velkomin heim veislu 


Bryndís er alltaf jafn ánægð með dvölina í höllinni en nú fer skólinn að verða búin og þá fara vinirnir í allar áttir.
Hún ætlar að skella sér til Íslands og vinna þar í fríinu sínu.

Baldi er enn í Asíu og finnst voða gaman þar með Birnu sinni. Drengurinn er nú skallapoppari og milli. Þetta varð til þess að nú vill pabbi hans bætast í þann hóp


Vananum trú, voru tómatarnir á sínum stað en þá upphófst barátta við snaróðan svartþröst!
Baráttunni lauk með að hin klókari sigraði


Í ár var ákveðið að byrja á pallinum sem koma á í kringum húsið. Framkvæmdir ganga markvist fram og eru þetta "gamlar" myndir af fyrirbærinu


Maður hefur verið í léttri sveiflu við að kaupa blóm og potta
Voða gaman


Draumar eru til að láta rætast

Við höfum verið verið dugleg við þá yðju


Ó, já... skápurinn varð minn og fyrir það þakka ég Fjólunni minni og gullmolanum honum Bassa. Takk elskurnar mínar.

Lífið er ljúfur draumur.
Njótum þess.

Athugasemdir

[Hulla Dan, 7.6.2008 kl. 10:22]

Og þannig er lífið á Læk.... Húsið ykkar heitir Lækur... er það ekki??

Fallegar frænkur og frændi sem ég á  

[Ásdís Sigurðardóttir, 7.6.2008 kl. 16:06]

Flottar myndir.  Getum við í alvöru heimsótt ykkur?? veistu hvar við gætum reddað okkur gistingu, væri til í að vera þarna 2-3 daga, ætla að koma annan mánud. til Söndeborg.  Heyrumst darling. 

[Guðrún Þorleifs, 7.6.2008 kl. 22:26]

Hulla mín, Laugar er nafnið hjá okkur og svo Landsveit.  Varðandi falleg börn þá er það svo mikið í ærttinni eins og sést á þér og mér

Ásdís mín, takk fyrir að hrósa myndunum. Ég og Jói sem dó, erum búin að planleggja heimsókn ykkar hingað til SBD.  Spurning 1 gisting: Humlehaven 33  og svo eru sameiginlegar móttökur hjá okkur á pallinum okkar Billa þar sem E og J eru með númer og BT spilar af alræmdri kunnáttu sem ekki hefur heyrst hjá öðrum en útvöldum Ó já, hringdu bara til að frétta hvað bíður ykkar hér í SDB. Ekki þori ég að nefna það á þinni mikið lesnu síðu segir lambið.

Halelúja!!! 

Over and out . . . 

[Sigrún Jóna 9.6.2008 kl. 16:36]

Ég er forvitin !

Afhverju Landsveit?

[Guðrún Þorleifs, 11.6.2008 kl. 18:54]

Það er sveitin mín

[Sigrún Jóna 11.6.2008 kl. 19:08]

Líka mín. ættin mín er kennd við Skarfanes. Skógræktin á það núna. Fóðursystir mín Jóhanna Jónsdóttir sem var fædd og uppalin á Minnivöllum, bjó allan sinn búskap á Leirubakka. Og ættingjarnir voru á víð og dreif á mörgum bæjum í Landsveitinni, þegar ég var smástelpa. Einu sinni stórt ættarmót í Félagsheimilinu ykkar. Svoleiðis höldum við ekki aftur. Mamma var líka af Skarfanesætt eins og pabbi.

 Mér skilst á þú búir í Danmörku núna. En bið að heilsa í sveitina okkar.