Berlín

Ákvað að taka taka pásu frá náminu og segja ykkur smá frá Berlínarferðinni

Við fórum með rútu að þessu sinni. Alveg ný upplifun að geta bara sest upp í faratæki og þurfa svo ekki að spá meira í umferðina eða leiðina. Þokkalega þægilegt líka

Við snæddum morgunnverð á þýskum bjórgarði. Staður sem liggur um 2 km frá veginum og maður veit ekki af. Þarna stjórnuðu eldri hjón, (mamma og papa). Selja mat og brugga bjór svo e.h. sé nefnt. Voða þýskt og gaman að koma á svona gamaldags stað þar sem starfsfólkið veit varla hvernig á að afgreiða greiðslukort.

Ferðin til Berlínar gekk vel. Mér leiddist ekkert að vera ekki undir stýri  Las bók og leysti suduko, voða dugleg. Hótelið sem við vorum á heitir Motel One og er nýlega tekið í notkun. Í byrjun mars ef ég man rétt. Þetta var fínt motel, naumhyggjan í algleymingi. Frekar fyndið á köflum. Set kannski inn myndir af herberginu og lobbyinu, þegar hægist um. Öllu var vel fyrir komið og plássið vel nýtt!!!

Í ferðinni fórum við í hröðustu lyftu í Evrópu. Hviss, bæng og við vorum komin 93 m upp í loftið! Hellur fyrir eyrun, þrátt fyrir þokkalegt gab  Lofthrædda ég missi ekki jafnvægisskynið en hafði enga þörf fyrir að rölta upp á efri útsýnispallinn  Ég stóð mig líka vel þegar við fóru í útvarpsturninn og í um 207 m hæð snæddi ég minn mat í ró. Sat samt ekki við gluggann  

Frábær kabarettsýning verður líka eftirminnileg. Stærsta Kabaretthús Evrópu sótt heim og OMG ég vissi ekki að maður gæti orðið svona skelkaður á einni kabarettsýningu  En það var samt mest gaman

Sendiráð Dana var skoðað og fræðst um sögu þess að þetta samstarf norðurlandanna kom til. Fannst asnalegt að nota friðaðan stein í klæðningu á sendiráðið okkar. Eiginlega bara mjög asnalegt og mikið bull. Frekar að nota e.h. sem er meira táknrænt fyrir landið okkar. Já, þetta fannst mér. Mér fannst líka hallærislegt að Danska sendiráðið er klætt stáli að utan. Sé ekki tengingu þar og ekki gátum við fengið útskýringu sem var skotheld. En þetta var skemmtileg skoðunarferð og í Fælleshúsinu hlustuðum við á áhugaverðan fyrirlestur.

Þetta er bara svona stiklað á því sem gert var. Tíminn er ekki mikill þessa dagana til að bulla hér  

Þetta var sem sagt alveg þrælfín ferð. Berlín er meiriháttar með allri sinni sögu. 
Það að fara í ferð og þurfa bara að taka upp veskið þegar mann langar að kaupa e.h. í búð er líka bara OK

Fréttir frá Berlín

Smá fréttir af okkur
Ferðin hingað gekk vel. Við þurftum ekki að gera annað en að setjast upp í rútu á réttum stað og réttum tíma. Engar pælingar í hvaða afleggjara ætti að fara út af o.s.fr. Hér er allt gert fyrir okkur og það eina sem við borgum er það sem rennur út af kortinu. Það er samt lítið. Í dag er mikið sem á að skoða m.a. danska sendiráðið. Í kvöld er svo revía og næs.

Læt þetta gott heita dagurinn er farinn í gang. 

Styttist . . .

í fyrstu ferðina hjá mér. Á morgunn eldsnemma hefst hún. Ég er tilbúin. Komin með kvef og hnerra hraustlega með reglulegu millibili. Já, þetta er alveg að gera sig

Prinsessan kom til Noregs í morgunn. Hélt frá höllinni um hádegi í gær í afar glæsilegri rútu og  síðan sigldi hún héðan úr jólasnjónum á fínni ferju til Gautaborgar.  Þaðan var ekið til Noregs í nótt.
Vona að það sé líka snjór í Noregi

Kveðja úr snjónum í SDB 

Uppgjör dagsins

Fór í spinning með Stínu nabo. Það var....
Kom inn í salinn, valdi hjól. Það var bilað. Flutti mig að næsta hjóli. Fékk það ekki til að vera eins og ég vildi, þá kom þjálfarinn inn. Hún sagði eh um leið og hún gekk hjá. Eftir stóð ég í hvítlauksbrækju Svo kom hún hjálpaði mér, sagði eh á mállýsku sem ég skildi ekki. Hváði. Afsakaðu að ég anga af hvítlauk. Ég hristi höfuðið, upp og svo niður, held ég. Hélt nefnilega í mér andanum. Svo hófst tíminn og ég mátti hafa mig alla við að setja mig inn í mállýskuna hjá henni. Púlsinn fór í 230. Lögin voru ágæt, æfingaranar einsleitar og nú hætti ég áður en ég verð neikvæð í þessu yfirliti mínu 

Skellti mér svo í að útrétta í herbergi prinsessunnar. Hún var með sínum vinkonum í bænum og ég tók B.T. með til að bera. Í búð númer 2 sáum við hilluna sem hún hafði beðið um. Keyptum 4 í 2 lengdum. Í búð 3 fundum við bekk undir sjónvarpið og fötin. Nú vildi B.T. að ég hringdi í hana og bæri kaupin undir hana. Nei, nei, sagði ég, hún verður ánægð. Veit það hún er í vogarmerkinu. Hefði hún komið með í búðina hefði kannski verið SMÁ erfitt að ákveða sig. Tíminn er dýrmætur
Gat losað mig við skrifborðið og hilluna í dag á stað sem það var vel þegið til geymslu. Skápurinn verður sóttur um 5.30 í fyrramálið.
Nei, nei , bara grín
Niðurstaða dagsins:
Spinningið var ekki mikið verra en ég átti vona á.
Innkaupin gegnu betur en ég átti von á.
Ætla að prófa annan spinningþjálfa næst
Veðrið er ekki að gera sig.
Lifði af að fara á haugana og tæma kerruna en váááá... hvað það var kalt!!!
Ég vil gott veður.
Gleðilega páska!!!

Á sumartíma . . .

Nú er ég komin fram úr sjálfri mér og dönsku tímatali.  Ég er sem sagt án klukku farin að vakna kl 6.30 hvort heldur er frí eða ei Sumartíminn skellur ekki á fyrr en um næstu helgi og þá verð ég í Berlín. Það er í sjálfu sér allt í lagi að vakna svona snemma alla daga ef ekki væri fyrir það, að ekki er svo mikið að gera svona snemma dags. Ræktin opnar ekki fyrr en kl 8 og 9 á svona spesíal dögum og aðrir íbúar hússins sofa svefni hinna réttlátu og ekki vert að vekja þau með hávaðanum í mér

Ég er sem sagt búin að vera að mæta í ræktina í fríinu. Alla daga, ójá!!!

Á Skírdag skellti ég mér með Stínu nabo í ræktina. Við náðum fínni sveiflu þarna og drengpjakkarnir hennar héldu þetta þokkalega út. Getur bara ekki verið gaman að þurfa að hanga svona fyrir atorkusama pjakka. Við bókuðum okkur í spinningtíma sem verður á eftir. Þar með er ég vonandi búin að brjóta þann múr. Vona bara að mér líki þjálfarinn. Er samt raunsæ og veit að ég verð að stilla kröfunum í hóf. Engin er sem Daggan sem nú er orðin Reykjanesbæingur.
Ef ekki væri fyrir það að Stína nabo ætlar með mér, væri ég búin að afpanta tímann. Ekki er veður þannig að ég færi í hjólatúr í staðinn. Hér geisar mikið vorhret á glugga (bílrúðum).

Framkvæmdir með herbergi prinsessunnar eru á lokastig. Hún er flutt inn en aðeins vantar að setja síðustu hönd á innstungur fyrir rafmagn og sjónvarp. Það kemst í lag í dag. Þá er einnig fyrir hugað að fara í smá innkaupa leiðangur og mubla upp hjá henni. Kröfurnar eru ekki stórar bara eina hillu Vona að við finnum hina einu sönnu hillu.
Heppnin var með mér í gær, ég fann húsnæði til að geyma skápinn, skrifborðið, hilluna og annað skrifborð. Hjúkket. Kem þessu vonandi frá mér seinni partinn. Þá er kannski von til þess að ég nái að laga til í stofunni, sem litið hefur út eins og Flóamarkaður með allt þetta dót/drasl sem fylgir svona framkvæmdum
Ég er komin með upp í kok nóg af húsaendurbótum Verst að eftir er að einangra herbergið hjá Ingunni Pingunni og alveg eins líklegt að það fái að bíða haustsins því nú fara útiverkefni að vera aðkallandi.

Never ending story....

Upp á líf og dauða . . .

Vaknaði í morgunn og langaði að snúa mér á hina hliðina, átti hana örugglega eftir. Slæm samviska kom mér fram úr. Allt var tilbúið fyrir átökin. Ég hafði munað eftir því að sækja æfingagallann út á grænu snúruna mína rétt áður en ég fór að sofa. Það þýðir að verknaðurinn fór fram í myrkri utan dyra og einnig hér innan dyra. Til hvers að vera að kveikja ljós þegar allt er komið í ró og maður veit hvar allt er? Raðaði mínum galla á stofuborðið, þá get ég hoppað í hann með lokuð augun þegar ég kem fram úr herberginu á morgnana. Liggur vel við minni leið inn í daginn. Í morgunn ætlaði ég bara að smella mér í gallann í morgunnskímunni, óþarfi að kveikja ljós. Þegar ég tek svarta NIKE bolinn heyrðist þvílíkur hávaði!!! Mér dauðbrá. Hljóp með  bolinn út í dyr og hristi hann og snéri.(mundi ekki eftir svalahurðinni við hliðina á mér ) Það var bara of seint! Ferlíkið sem hafði geymt sig í bolnum mínum hafði sloppið út á leið minni í gegnum eldhúsið og nú hvein og söng í öllu þar.  Þvílík risa ófreskja!!! Ég vopnaði BT með flugnaeitursbrúsa af stærstu gerð og nú átti ófreskjan ekki nokkra von. Hún lét í lægra haldi eftir mikla baráttu. Úðabrúsinn er tómur, ófreskjan dauð og ég hef tekið gleði mína á ný.

Allt er gott sem endar vel.

Finnst mér

 

Hvað skildi þessi dagur . . .

. . . bera í skauti sér?

Ég veit hvað komið er, en ekki hvað verður. Ekki hvaða ákvarðanir ég tek og hvort þær verða réttar

Vaknaði kl 5.30. Það var ákvörðun gærdagsins. Ég var ekki að nenna á fætur og í ræktina. Draumur næturinnar um frjálst fall krónunnar í gær og undangegnar vikur var martröð líkastur og ég  alveg búin á því. Í ræktina skrönglaðist ég þó. Það blundar enn þessi hugmynd innra með mér að sama hvað gengur á þá skal æft. Er bara í tímabili þar sem sú tilhugsun er ekki aðlaðandi
Er ekki enn búin að koma mér í spinning í ræktinni sem ég er í. Vááá... því líkt átak. Kannski er ég með "skipta um stað fælni"? Ekki getur þetta verið mér að kenna??? 

Ég þarf að fara að taka út hjólið mitt og þeysa á því um sveitavegi DK. Fíla það vel þegar ekki er rok og rigning. Þar sem mars er senn á enda með sín 5 veður á einum degi, ætti fátt að vera því til fyrirstöðu.

Dem... í sannleika vantar mig einhvern til að sparka mér af stað. Ég er svo ósvífin í þessu hreyfingaleysi mínu að ég reyni ekki gera neitt meira en fara í morgunntímana 

Í dag ætla ég mér samt að mála, læra, taka á móti rafvirkjanum sem ætlar að setja ljós í ganginn og fleira þarft. Vona sannarlega að mér verði eh úr verki í dag. Ég er ekki mikill málari en nú bara verða hlutirnir að fara að klárast í herbergi prinsessunnar. Hún kemur heim í páskafrí á morgunn og ekki getur hún bara sofið hér og þar um húsið heilt páskafrí Þarf að losna við skáp, skrifborð og hillur úr lútaðri fur. Selst á sport prís, plís, help.

Einkasonurinn hringdi sæll og glaður í múttu sína í gærkvöldi. Bakpokinn var kominn og drengurinn þokkalega sáttur með val múttu sinnar Já, maður getur nú verið snilli á sumum sviðum.
Þegar ég var að kaupa bakpokana um daginn var ég kominn í þvílíkt stuð að fara stunda fjallgöngur aftur. Ekki samt á Íslandi, nei, nei, í Ölpunum. Var bara alvarlega að pæla í að slúffa afmælispartýinu í sumar á Íslandi og draga minn mann niður í Alpana og puða þar. Gott fyrir menn með svona slasáverka eins og hann. Bara éta meiri verkjatöflur   Held samt að það verði ekkert af því í ár.  Búin að fjárfesta í partýtjaldi til að hafa við bústaðinn og tjaldið meira að segja komið á Klakann. Humm... svo er líka smá asnalegt að eiga bústað og hafa aldrei notað hann

Ég er aldeilis sæl með grænu snúrustaurana mína, þeir eru enn á sínum stað og ég hef á þessum 10 dögum sem þeir hafa verið í eigu minni, geta þurrkað úti þrisvar sinnum. Stórkostlegt í mars í DK!

Er að bíða eftir að klukkan verði 9, þá ætla ég í búðina að kaupa speltbrauð. Verð að eiga eh fyrir rafvirkjann svo hann líði ekki út af næringarskorti Það yrði ekki stuð   Já, ég á víst næstum aldrei brauð. Held ég verði líka að kaupa hundamat. Heyrist hundurinn vera að segja það.

En nú er best að halda af stað inn í daginn og vona að hann færi mér réttar ákvarðanir, réttar niðurstöður og vonandi fullmálaða hurðakarma og gólflista 

 

Vona að þessi vinni . . .

X-Faktor hér í DK.

 

Tiplað á ýmsu, en ekki á tánum . . .

Mætti í ræktina í myrkri og góðu veðri, kom út úr ræktinni í birtu en hagléli svo bíllinn var fannbarinn bílstjóramegin. Fór heim, sendi fósturbarnið í skóla, smurði mér nesti og fór í skólann í sól og björtu skömmu síðar. Skellti mér til Þýskalands eftir skóla í skýjuðu veðri. Fór í mollið og keypti næstum bakpokabúðina Hélt heim á leið í ausandi vatnsveðri.
Þetta var veðrið í dag

Prinsessan er hálf farlama eftir eftir stífkrampasprautuna sem hún fékk á mánudaginn. Hún var sprautuð í öxlina aftan verða. Hún er stokkbólgin og í gær og fyrradag var henni óglatt Ingunn Pingunn fékk stífkrampa sprautu í handlegginn og það lagaðist fljótt og var aldrei svo slæmt að hún kvartaði við mig   Ég vil ekki svona sprautu

Á laugardaginn var hér fagurt vorveður. Ég skellti mér í A - Z og keypti fínar grænar útisnúrur. Seinna sama dag voru þær settar niður og þvottur hengdur út. Ummm... ilmandi útiþurrkaður þvottur. Konan ská á móti hafði fengið sömu hugmynd og keypt állitar snúrur. Þær voru líka settar niður og teknar í notkun strax.
Síðan á sunnudag hefur geisað hér rigning og éljagangur . . .  

Í dag eru 4 ár síðan BT lenti í slysinu. Ótrúlegt hvernig það getur bæði verið stutt síðan og langt síðan

Ferðalög og yfirsýn . . .

Er mikið að velta því fyrir mér þessa dagana hvernig ég get haft yfirsýn yfir ferðalög fjölskyldunnar nú í mars og apríl. Um er að ræða lengri og skemmri ferðalög. Sum ferðalögin vara fram í júní og lok júlí en þá eru önnur ferðalög tekin við hjá þeim er heim voru komnir.
Ég er að tala um 2 ferðir til Berlínar, 1 til Noregs, 1 til Suður Ameríku, 1 til Asíu, 1 til Afríku og 1 til Íslands + Íslandsferðir í sumarfríinu. Ég er svona með allar á hreinu nema þessa Berlínar ferð prinsessunnar. Vona að ferðin sé ekki þegar við BT erum í Afríku. Þetta er skólaferð en mér finnst betra að vita hvenær hún er farin, get bara ekki munað það... Þegar við erum í Berlín verður hún í Noregi. Þegar við förum til Afríku fara Baldi og Birna í sína 4 mánaða reisu til Asíu og Mið-Ameríku. Ingunn fer svo í sína Suður-Ameríku ferð þegar ég kem frá Íslandi  í apríl, svo ég næ að kveðja hana. Við verðum síðan á Íslandi þegar Baldi og Birna enda sína ferð hér í DK í lok júlí. En hvar Berlínaferðin hjá prinsessunni er það bara man ég ekki   ..og hvenær hún fer til Ameríku það vitum við ekki. Enn sem komið er sýnist mér að það sé alltaf einhver heima til að passa hundinn

Ég þarf líka að skipuleggja mig út af náminu. Þarf að vera með verkefnaskil viku á undan planinu svo það er nú eins gott að láta páskana ekki bara fara í súkkulaðiát og hjólatúra

Held að nú sé komin tími á að fara teikna smá eða gera plan?