Tiplað á ýmsu, en ekki á tánum . . .

Mætti í ræktina í myrkri og góðu veðri, kom út úr ræktinni í birtu en hagléli svo bíllinn var fannbarinn bílstjóramegin. Fór heim, sendi fósturbarnið í skóla, smurði mér nesti og fór í skólann í sól og björtu skömmu síðar. Skellti mér til Þýskalands eftir skóla í skýjuðu veðri. Fór í mollið og keypti næstum bakpokabúðina Hélt heim á leið í ausandi vatnsveðri.
Þetta var veðrið í dag

Prinsessan er hálf farlama eftir eftir stífkrampasprautuna sem hún fékk á mánudaginn. Hún var sprautuð í öxlina aftan verða. Hún er stokkbólgin og í gær og fyrradag var henni óglatt Ingunn Pingunn fékk stífkrampa sprautu í handlegginn og það lagaðist fljótt og var aldrei svo slæmt að hún kvartaði við mig   Ég vil ekki svona sprautu

Á laugardaginn var hér fagurt vorveður. Ég skellti mér í A - Z og keypti fínar grænar útisnúrur. Seinna sama dag voru þær settar niður og þvottur hengdur út. Ummm... ilmandi útiþurrkaður þvottur. Konan ská á móti hafði fengið sömu hugmynd og keypt állitar snúrur. Þær voru líka settar niður og teknar í notkun strax.
Síðan á sunnudag hefur geisað hér rigning og éljagangur . . .  

Í dag eru 4 ár síðan BT lenti í slysinu. Ótrúlegt hvernig það getur bæði verið stutt síðan og langt síðan

Athugasemdir

[Lilja G. Bolladóttir, 13.3.2008 kl. 21:34]

Það er gott að vita að veðrið er hverfult annarsstaðar en hérna á Íslandi!! Við höfðum reyndar myndarlegasta vorveður í Reykjavík í dag, snjólaust á götum og vorlykt í lofti. Nú bara trúi ég ekki öðru en að þetta fari að koma!!

[Guðrún Þorleifs, 14.3.2008 kl. 09:04]

Lilja, vona sannarlega að vorið fari að koma á Íslandi!!! Ætla heim í stelpuferð um miðjan apríl með danska vinkonu mína og ég ætla ekki að grafa okkur í snjó eða vitlaust veður