Þá kom að því . . .

Á föstudaginn gerðist hér stór viðburður, prinsessan fékk tilkynningu um að hún væri komin með fjölskyldu í USA, nánar tiltekið í Missouri. Meira fengum við ekki að vita þann daginn. Mikil spenna hljóp í fjölskylduna hér, því þessu til viðbótar kom dagsetning á brottför prinsessunnar!!! Daman yfirgefur danska grundu þriðjudaginn 2 september!

Þó svo þetta hafi staðið til síðan í janúar, þegar við gáfum grænt ljós á þessa hugmynd örverpisins, þá er það allt annað mál þegar komið er að svona atburði Nú þarf allt í einu að drífa í þessu og hinu m.a. að fara til Köben og sækja um visa áritun á vegabréfið. Prinsessan var nefnilega búin að sannfæra sjálfa sig og einnig okkur foreldrana um að úr því ekki væri komin fjölskylda í júlí þá færi hún ekki af stað. Henni fannst það ekki koma málinu við, að leitað er að fjölskyldu út ágúst. Eitt vissum við heldur ekki þar sem við lentum inni á vitlausum upplýsingafundi í vor, að ef ekki er komin fjölskylda í lok ágúst þá tekur gestafjölskylda á móti barninu/unglingnum uns fundin er fjölskylda, svona er þetta hjá STS samtökunum.
Já, nú er allt að gerast, klipping í gær, keypt ferðataska (er svona endurnýjunartímabil á ferðatöskum á þessu heimili, allt úr sér gengið eftir flughleðslur hingað og þangað) tekin mynd i visa umsóknina. Prinsessan sett inn í hvernig hún eldar uppáhalds matinn sinn, kjúkling með spínati, sætum kartöflum og fetaosti. Hún hefur jú verið í námi í höllinni og þvi ekkert stundað eldamennsku síðasta árið. Í dag er síðasta sprautan hjá doksa og kíkk í búðir eftir gjöf handa usa fjölskyldunni. Á morgunn er enginn miskunn, á fætur kl. 05.00 og með lestinni til Köben kl 06.57 og á Hovedbanegaard bíður einkasonurinn á mínum eðalvagni til að aka prinsessunni og múttunni hennar í usa sendiráðið. Verður nú líklega einhver upplifun þegar hún fer í gegnum öryggistékkið þar og sennilega bara gott að vera búin að prófa það, áður en kemur að usa flugstöðum. Hefur samt góða "reynslu" af öryggistékki úr Gyðingasafninu í Berlín
Á fimmtudaginn veður pizzakvöld með þeim vinkonum sem eru hér í SDB. Föstudagurinn er planaður í það sem þá vantar að gera, laugadagurinn götugrill. Sunnudag er annað kveðjupartý, nú  fyrir íslensku vinkonur sem hér búa enn. Allt breytist. Ein danska vinkonan, herbergisfélaginn frá höllinni, er komin til Californiu sem high schoolnemi.  Smitaðist af áhuga prinsessunnar og fékk leyfi til að vera hjá danskri ömmu sinni í usa. Amman er mjög ánægð með það og var alveg til í að taka prinsessuna líka. Mér fannst það nú sætt en full mikið

Ég er fegin að ég þurfti ekki að fara til Tyrklands í þessari viku, því nóg er nú að gera við undirbúninginn. Finnst þó slæmt að múttíin sem ég ætlaði með að heimsækja fósturbarnið er bara gufuð upp í augnablikinu og ég get hvergi grafið hana uppi Fósturbarnið inneignarlaust á gemsanum í Tyklandi og ekkert á netinu þessa dagana. Þetta á eftir að reddast því um leið og múttínin þarf á mér að halda, þá birtist hún eins og "Flösku-Dísa" forðum

Læt þetta gott heita að sinni, en vil þó segja ykkur að prinsessan ætlar að stofna bloggsíðu til að segja frá lífinu hjá nautgriparæktendum, lengst úti í sveit í Missourifylki í USA

Smá myndblogg á meðan ég bíð eftir einhverju

Sumarið hefur liðið hratt. Þannig er lífið þegar það er gaman og mikið um að vera. Ég hef verið vananum trú og verið á faraldsfæti. Þannig hefur það einnig verið með aðra í þessari fjölskyldu.
Til að tipla á því sem á daga hefur drifið í stuttu máli ákvað ég að setja inn myndablogg.
Alltaf gaman af myndum  

 

 

Prinsessan lauk náminu í höllinni þann 29/6 og rétt náði að koma heim, borða kvöldmat, sofa smá og pakka síðan niður í tösku því nú var ferð hennar heitið til Íslands í sumarvinnu.
Áður en sólahringur var liðinn höfðum við foreldrarnir sótt barnið okkar og sent það áfram.

 

 

Litla Rósin okkar átti sér einn draum áður en hyrfi til suðurs í lengri eða skemmri tíma,
það var að fá að þvo glugga!!!
Mig undraði þessi ósk, en skýringin var að í skólanum var hún látin þrífa eldhússkáp á meðan strákarnir fengu að því glugga.  Að sjálfsögðu fékk hún þá ósk uppfyllta.
Nú eru hér krúttlegir taumar á öllum gluggum en þeir fá að vera aðeins lengur, bara sætt.

 

 

 

Svo fórum við í ferðalag. Ó, já smá óvissa í upphafi ferðadagsins. Héldum að við værum að far með flugi til Tyrklands kl 19 um kvöldið. Héldum það alveg til kl 14 þá var ljóst að það var ekki svo. Plan B var tekið í notkun, fötum og þörfum hlutum skellt í bílinn og haldið af stað eftir hraðbrautum Þýskalands. Gaman að skoða þýskar hraðbrautir og trén með fram þeim. Fórum til Trier og þaðan til Lux. Skelltum okkur á gott hótel og tókum púlsinn á stöðunni. Bæði vorum við ekki sátt við að vera að fara í þetta bílaferðalag, vorum í huga okkar á leið til Tyrklands. Til greina kom að fara út á flugvöll og kaupa ferð til þangað en frá því var horfið, því við þurfum að fara þangað á einhverjum tímapunkti. Eftir innhverfa og úthverfa íhugun á haus og í sólbaði var ákveðið að fá það besta út úr Þýskalandsökuferð. Sniðgengum við því allt sem heitir hraðbrautir, skoðuðum ókunn þorp, gistum í vínræktarhéruðum, kynntumst Carmen og rauðvíninu hennar.

 

 

Létum okkur fljóta niður með Rín sem launaði okkur með því að færa okkur að Rínarfossum.

 

 

Stórkostlegt að koma þangað. Við vorum rosalega hrifin af fossunum og  umhverfinu. Röltum yfir til Sviss og héldum svo til Bodensee. Fengum gistingu á hóteli með útsýni yfir vatnið, til Austurríkis og Sviss. Bara flott.

Eftir það lá leiðin til Kempten og þar fundum við veiðivini sem eiga hótel. Þar fengum við svítu og var dekrað svo við okkur, að við vildum ekki heim.

 

 

Í Kemten er stutt í fjallgöngur og létum við það tækifæri ekki ónotað, skelltum okkur tvisvar í brattar og háar brekkur. Þvílíkt útsýni!

 

 

Eftir frábæra daga í Kemten brunuðum við heim í einni lotu á laugardegi enda fákurinn góður. 

Þar fengum við góða gesti sem dvöldu hjá okkur uns til ég skellti mér til Íslands á miðvikudeginum. Kannski segi ég seinna frá því í máli og myndum. Þessi færsla tók 2 daga með pásum, því myndirnar vilja ekki hlaðast inn hjá mér.

 

Að morgni dags

Finnst full ástæða til að kom því á framfæri að ég kom mér og mínum ekta manni heilum í vinnu og skóla í morgunn. Ekki skemmdi að bíllinn (eðalvagninn) kom líka óskaðaður úr þessum hildarleik sem för okkar var í morgunn!!!

Hjólreiðamenn, - konur og - börn þvældust hér um allra götur, löglega og ólöglega. Kvarta alls ekki yfir þeim sem virtu reglur en hinir.... Júdddddamííííííaaaaaaa.

Hvað gerir ökumaður sem er við gatnamót og hefur hjólreiðafólk sér á hægri og vinstri hönd, þar sem viðkomandi skyggja á umferðina um "Grindavíkurafleggjarann"???  

Hvað gerir ökumaður sem bíður við Hringveginn eftir taka hægri beygju og hjólamenn, - konur og -börn ryðjast upp með hægri hliðinni hjá þér til að bíða við framenda bifreiðar þinnar til að fara beint yfir Hringveginn???  

Hvað gerir ökumaður sem hefur gefið stefnuljós til hægri til að beygja af Hringveginum inn á Austurgötu þegar hjóladrengur staðsettur á Austurgötu á leið yfir Hringgötu tekur ekki eftir því að þú ætlar að beygja, hefur í höfði sér ákveðið að þú haldir beint áfram með þeim afleiðingum að drengstaulinn rétt sleppur við að hjóla inn í bílinn hjá þér???   

Ég veit ekki hvað öðrum finnst um svona morgunnbyrjun en mér fannst hún stressandi og ég er á móti STRESSI!!! 

Þá hef ég tjáð mig um þetta.

 

Slutt, sprutt

 

...en ef þið eruð ekki viss um viðbrögðin þá get ég sagt með sanni að ég tók þessu með óþolandi umburðarlyndi...

Dem...

Hér verður ekki færsla þar sem músin sveik og allt hvarf

Dem og ég sem ætlaði að segja ykkur frá því hve góð ég er.

Tíndi helminginn út úr fataskápunum hjá mér til að gefa þurfandi.

Ætlaði líka að segja ykkur hve mikil tómataræktandi ég er.

Hvarflar að einhverjum að ég hafi bara tæmt skápana til að fá pláss fyrir ný föt???

Vááá ... hvað manni getur sárnað svona viðhorf!!!

 

 

Bæææææ...

 Farinn í bæinn að fata mig upp.

 

 

 

Eða hreinsa illgresi

 

 

 

Ætti ég kannski að horfa á leikinn

 

 

Æ, nei....

 

Þori það bara ekki, legg það ekki á líf mitt

 

Farin að gera góðverk

 

 

Á hverjum skyldi það bitna???????????????????????????????????

Leiðin . . .

. . . fundin  

Dró þetta spil hjá krúttmolanum henni Ellý. Hér er er hvatningin til að takast á við krúttkúludæmið mitt  


7 stafir

Talan sjö tengist metnaði þínum og ekki síst áræðni og ákafa. Eiginleikar þínir til að kljást við erfiðleika eru öfundsverðir því þú býrð yfir kjarki og ástríðu sem flytja nánast fjöll.

Próf einhverskonar bíður þín. Hvort sem um atvinnuviðtal eða ökupróf er að ræða munt þú nýta kosti þína þér til framfara.

Þér er ráðlagt að standa föstum fótum í eigin vitund í vísdómi óvissunnar en þar munt þú finna frelsi til að skapa allt það sem þig vanhagar um.

Over and farin að leita svara    

 

 

 

Úpps!!!!

Getur verið að þetta sé frekar ábending til mín um að hætta að flækjast á blogginu og snúa mér að Revit svo ég geti farið í lokaprófið fyrir jólin og að tað sem mig vanti sé húsið sem ég tarf að teikna?????

Over and farin að spá í sumarhús á landinu mínu   .

 

...og hlusta á Gullbylgjuna mína

. . .

....... ....... ...... ....... ...... ..... .... ..... ..... ..........

Nákvæmlega!

 

Allt í rólegheitunum.

 

 

Lengsta sumarfríi mínu í áraraðir lokið.

 

Hið daglega líf með daglegum skyldum og óskyldum gjörðum tekið við.

 

Voða afslöppuð, löt hljómar svo neikvætt

Nenni að svo komnu máli alls ekki að segja í stuttu máli frá fríinu, yrði of langt . . .

Eitt get ég þessa þó sagt ykkur, viðurkennt  

 

 

 

 

Úffffff...

 

Nú er ég hnöttótt   

 

Værðarhlið ljónsins í mér náði yfirhöndinni og ég lifði hinu ljúfa lífi munaðarseggsins sem í mér býr ásamt skynsemishliðinni á mér, sem berst hverja stund fyrir sínu. Skynsemishliðin mín gafst upp og munaðarseggurinn í mér náði yfirhöndinni.

 

 

 

Nú eru framundan tímar heyrnarleysis þegar munaðarseggurinn í mér reynir að kveða sér hljóðs og komin tími á að hlusta betur eftir þessari litlu skynsemi sem ég á og reyna að rækta hana aftur upp og láta hana njóta sín með mér.

 

Fagurt plan  

Og þá . . .

- hefst lesturinn?

- hefjast skriftirnar?

- ?

Ætlaði annars bara að segja að Töfraprikið er komið út undir bert loft. Nú er engin leið að hemja það, biðin var svo löng.  Nú svíf ég á Töfraprikinu mínu um Als og er bara flott. Í fínu outfitti og allt í góðu. Þegar við BT lögðum af stað áðan í 2 túr vorsins/sumarsins þá hugsaði ég; hummmm ummmm þegar hann spurði hvort við ættum ekki að hjóla upp fyrir Danfoss. Hvað er það langt? 40km sagði hann brattur. Ég hugsaði: 40 km í 2 túr vorsins/sumarsins Upphátt sagði ég: Já, látum reyna á það () BT vill alltaf byrja í mótvindi og hafa meðvind á leiðinni heim, þess vegna valdi hann Danfoss. Ég vil hafa meðvind í byrjun og vona svo að vindur hafi snúist þegar kemur að heimferð. Annars er ég betri á heimleið. Svona eins og heimasjúkt hross. Svo héldum við af stað. Minn hraðamælir er betteríslaus svo það var stólað á BT. Mjög mikilvægt hjá mér að vita þegar ég hjóla hratt

Svo var lagt af stað. Hraðinn á sléttu fínn og allt í góðu. Þegar við komum lengra inn á Als, hvatti ég minn til að taka bara brekkurnar á sínum keppnishraða. Ég er meira svona, ætla upp, í brekkum
Þetta gekk allt alveg fínt en svo fór ég að dragast smá aftur úr, brekkur og svoleiðis. BT spændi í brekkurnar og fyrir ofan Danfoss mætti ég honum á baka leið. Can you tell my hvar Vífilstaðavegur is? (þýðir: hvar er 20 km markið) Hjá bláa skiltunu, ég þangað og svo til baka og nú á blússandi ferð. Ég er best á heimleið  

Ó, já þinng var það. . .  

Á sumartíma . . .

Nú er ég komin fram úr sjálfri mér og dönsku tímatali.  Ég er sem sagt án klukku farin að vakna kl 6.30 hvort heldur er frí eða ei Sumartíminn skellur ekki á fyrr en um næstu helgi og þá verð ég í Berlín. Það er í sjálfu sér allt í lagi að vakna svona snemma alla daga ef ekki væri fyrir það, að ekki er svo mikið að gera svona snemma dags. Ræktin opnar ekki fyrr en kl 8 og 9 á svona spesíal dögum og aðrir íbúar hússins sofa svefni hinna réttlátu og ekki vert að vekja þau með hávaðanum í mér

Ég er sem sagt búin að vera að mæta í ræktina í fríinu. Alla daga, ójá!!!

Á Skírdag skellti ég mér með Stínu nabo í ræktina. Við náðum fínni sveiflu þarna og drengpjakkarnir hennar héldu þetta þokkalega út. Getur bara ekki verið gaman að þurfa að hanga svona fyrir atorkusama pjakka. Við bókuðum okkur í spinningtíma sem verður á eftir. Þar með er ég vonandi búin að brjóta þann múr. Vona bara að mér líki þjálfarinn. Er samt raunsæ og veit að ég verð að stilla kröfunum í hóf. Engin er sem Daggan sem nú er orðin Reykjanesbæingur.
Ef ekki væri fyrir það að Stína nabo ætlar með mér, væri ég búin að afpanta tímann. Ekki er veður þannig að ég færi í hjólatúr í staðinn. Hér geisar mikið vorhret á glugga (bílrúðum).

Framkvæmdir með herbergi prinsessunnar eru á lokastig. Hún er flutt inn en aðeins vantar að setja síðustu hönd á innstungur fyrir rafmagn og sjónvarp. Það kemst í lag í dag. Þá er einnig fyrir hugað að fara í smá innkaupa leiðangur og mubla upp hjá henni. Kröfurnar eru ekki stórar bara eina hillu Vona að við finnum hina einu sönnu hillu.
Heppnin var með mér í gær, ég fann húsnæði til að geyma skápinn, skrifborðið, hilluna og annað skrifborð. Hjúkket. Kem þessu vonandi frá mér seinni partinn. Þá er kannski von til þess að ég nái að laga til í stofunni, sem litið hefur út eins og Flóamarkaður með allt þetta dót/drasl sem fylgir svona framkvæmdum
Ég er komin með upp í kok nóg af húsaendurbótum Verst að eftir er að einangra herbergið hjá Ingunni Pingunni og alveg eins líklegt að það fái að bíða haustsins því nú fara útiverkefni að vera aðkallandi.

Never ending story....

Upp á líf og dauða . . .

Vaknaði í morgunn og langaði að snúa mér á hina hliðina, átti hana örugglega eftir. Slæm samviska kom mér fram úr. Allt var tilbúið fyrir átökin. Ég hafði munað eftir því að sækja æfingagallann út á grænu snúruna mína rétt áður en ég fór að sofa. Það þýðir að verknaðurinn fór fram í myrkri utan dyra og einnig hér innan dyra. Til hvers að vera að kveikja ljós þegar allt er komið í ró og maður veit hvar allt er? Raðaði mínum galla á stofuborðið, þá get ég hoppað í hann með lokuð augun þegar ég kem fram úr herberginu á morgnana. Liggur vel við minni leið inn í daginn. Í morgunn ætlaði ég bara að smella mér í gallann í morgunnskímunni, óþarfi að kveikja ljós. Þegar ég tek svarta NIKE bolinn heyrðist þvílíkur hávaði!!! Mér dauðbrá. Hljóp með  bolinn út í dyr og hristi hann og snéri.(mundi ekki eftir svalahurðinni við hliðina á mér ) Það var bara of seint! Ferlíkið sem hafði geymt sig í bolnum mínum hafði sloppið út á leið minni í gegnum eldhúsið og nú hvein og söng í öllu þar.  Þvílík risa ófreskja!!! Ég vopnaði BT með flugnaeitursbrúsa af stærstu gerð og nú átti ófreskjan ekki nokkra von. Hún lét í lægra haldi eftir mikla baráttu. Úðabrúsinn er tómur, ófreskjan dauð og ég hef tekið gleði mína á ný.

Allt er gott sem endar vel.

Finnst mér

 

Hvað skildi þessi dagur . . .

. . . bera í skauti sér?

Ég veit hvað komið er, en ekki hvað verður. Ekki hvaða ákvarðanir ég tek og hvort þær verða réttar

Vaknaði kl 5.30. Það var ákvörðun gærdagsins. Ég var ekki að nenna á fætur og í ræktina. Draumur næturinnar um frjálst fall krónunnar í gær og undangegnar vikur var martröð líkastur og ég  alveg búin á því. Í ræktina skrönglaðist ég þó. Það blundar enn þessi hugmynd innra með mér að sama hvað gengur á þá skal æft. Er bara í tímabili þar sem sú tilhugsun er ekki aðlaðandi
Er ekki enn búin að koma mér í spinning í ræktinni sem ég er í. Vááá... því líkt átak. Kannski er ég með "skipta um stað fælni"? Ekki getur þetta verið mér að kenna??? 

Ég þarf að fara að taka út hjólið mitt og þeysa á því um sveitavegi DK. Fíla það vel þegar ekki er rok og rigning. Þar sem mars er senn á enda með sín 5 veður á einum degi, ætti fátt að vera því til fyrirstöðu.

Dem... í sannleika vantar mig einhvern til að sparka mér af stað. Ég er svo ósvífin í þessu hreyfingaleysi mínu að ég reyni ekki gera neitt meira en fara í morgunntímana 

Í dag ætla ég mér samt að mála, læra, taka á móti rafvirkjanum sem ætlar að setja ljós í ganginn og fleira þarft. Vona sannarlega að mér verði eh úr verki í dag. Ég er ekki mikill málari en nú bara verða hlutirnir að fara að klárast í herbergi prinsessunnar. Hún kemur heim í páskafrí á morgunn og ekki getur hún bara sofið hér og þar um húsið heilt páskafrí Þarf að losna við skáp, skrifborð og hillur úr lútaðri fur. Selst á sport prís, plís, help.

Einkasonurinn hringdi sæll og glaður í múttu sína í gærkvöldi. Bakpokinn var kominn og drengurinn þokkalega sáttur með val múttu sinnar Já, maður getur nú verið snilli á sumum sviðum.
Þegar ég var að kaupa bakpokana um daginn var ég kominn í þvílíkt stuð að fara stunda fjallgöngur aftur. Ekki samt á Íslandi, nei, nei, í Ölpunum. Var bara alvarlega að pæla í að slúffa afmælispartýinu í sumar á Íslandi og draga minn mann niður í Alpana og puða þar. Gott fyrir menn með svona slasáverka eins og hann. Bara éta meiri verkjatöflur   Held samt að það verði ekkert af því í ár.  Búin að fjárfesta í partýtjaldi til að hafa við bústaðinn og tjaldið meira að segja komið á Klakann. Humm... svo er líka smá asnalegt að eiga bústað og hafa aldrei notað hann

Ég er aldeilis sæl með grænu snúrustaurana mína, þeir eru enn á sínum stað og ég hef á þessum 10 dögum sem þeir hafa verið í eigu minni, geta þurrkað úti þrisvar sinnum. Stórkostlegt í mars í DK!

Er að bíða eftir að klukkan verði 9, þá ætla ég í búðina að kaupa speltbrauð. Verð að eiga eh fyrir rafvirkjann svo hann líði ekki út af næringarskorti Það yrði ekki stuð   Já, ég á víst næstum aldrei brauð. Held ég verði líka að kaupa hundamat. Heyrist hundurinn vera að segja það.

En nú er best að halda af stað inn í daginn og vona að hann færi mér réttar ákvarðanir, réttar niðurstöður og vonandi fullmálaða hurðakarma og gólflista