120 km

Það er engum blöðum um það að fletta að veðrið hefur mikil áhrif á það sem ég geri.

Í sól umbreytist ég og nýt mín í botn. Í rigningu er svona meiri leti í mér... annað en orkan sem er í eldingunum og þrumunum sem hér hafa geisað.

Síðustu dagar hafa einkennst af úrhellis rigningardembum, þrumum og eldingum. Í fyrrakvöld kviknaði í húsi hér 1 km frá okkur, er eldingu laust í þakið. Ég heyrði þrumuna og hún var eins og sprengja, enda nálægt. Ég var í vinnunni sem er í um 600m metra fjarlægð frá húsinu. Ótrúleg orka sem þarna er á ferðinni. Sama kvöld kviknaði líka í bóndabæ hér norðar á Als þegar annarri eldingu laust þar niður.  Læti.

Í gær var svo komið gott veður og ég í fríi. Tók mig til og fór í gluggaþvott þar til ég fékk góða heimsókn.

Þegar minn maður kom heim var svo farið í hjólatúr og hjólað þvers og kruss um eyjuna og endanna á milli, frá Sönderborg til Nordborg.

Þetta var alveg frábær túr.

Langt síðan við höfum getað hjólað í svo góðu veðri og roklausu

Vð vorum í algeru hjólastuði og í stað þess að hjóla beint í Nordborg tókum við marga króka inn í þessi litlu þorp sem liggja hér um alla eyjunua.

Komum á ýmsa staði sem við höfum ekki verið á áður.

Hjóluðum í kringum Lange Sø sem er vatn við höll prinsessunnar okkar.

Hún hleypur þar á hverjum degi, ja, nema þegar hún er þreytt, þá hjólar hún. 

Dagurinn í höllinni byrjar nefnilega á því að litlu prinsessurnar og prinsarnir sem þar búa byrja daginn á því trimma. 

Heim komum við og þá var farið í að plana helgina.

Loksins komumst við út að sigla og getum verið 3 daga í burtu.

Hefur ekki verið möguleiki á því í sumar.

Við ætlum að sigla af stað síðdegis í dag.

Ferðinni er heitið niður Flensborgarfjörð.

Þar ætlum við að byrja á að leggja í höfn sem heitir Marina Minde.

Skemmtileg lítil höfn í fögru umhverfi. Okkur finnst frábært að vera þar. 

Á morgunn ætlum við að sigla í góðu veðri um Flensborgarfjörð.

Þetta er afar fallegt svæði og við eigum þarna eina af okkar uppáhaldshjólaleiðum við fjöðrin. 

Höfum ekki áður gefið okkur tíma til að sigla svona inn í Flensborgarfjörð. Sennilega of nálægt

Annað kvöld er svo möguleiki á að við verðum í höfninni í Gråsten. Það á eftir að koma betur í ljós. . .  

Sunnudagurinn verður svo notaður í að krussa Flensborgarfjörðin á leið heim í Sönderborg. 

Já, svona í lokin, við hjóluðum 120 km í gær.

Billi 60 km og ég 60 km

Góða helgi !

 

Rigning

Rigning síðustu 14 daga hér á Suður -Jótlandi er farnin að segja til sín. Úrkoman hefur verið þvílík að stöðuvötn hafa myndast á ökrum og í skóglendi. Verð að segja að mér finnst fallegt að sjá þessar tjarnir í skóglendinu en þær eru ekki vanar að vera þarna og hverfa þegar himininn hættir þessu heljarinnar skæli. Það er nefnilega þannig að vatnið er svo mikið að það er farið að brjóta sér farveg. Farvegur vatnsins er ekki alltaf á heppilegum stað fyrir okkur mannfólkið.

Hér fór sannarlega betur en verr.

Síðastliðið mánudagskvöld ók lestin frá Kaupmannahöfn til Sönderborgar eftir þessu járnbrautarspori.

Ekki var vitað af þessu jarðfalli sem komið hafði í kjölfar úrhellisrignigar undan genginna daga.

Lestin fór yfir þetta jarðfall á 80 km hraða! 

Nú eru engar lestarsamgöngur til  Sönderborg. Allir sem ætla með lest þurfa að taka rútu til Tinglev og stíga þar á lestina!

Skondin tilviljun að á mánudaginn var einn af þingmönnum okkar Suður-Jóta ( Radikal-Venstre) að vekja athygli á ástandinu í lestarsamgöngum hér til landhutanns. Ástæðan til þeirrar opinberu gagnrýni var að þingmaður af Sjálandi hafði boðið einhverjum fyrirmönnum sem sitja á peningakassa járnbrautaumbóta í lestarferð um Sjáland til að kynnast af eigin raun lélegu ásigkomulagi brautasporanna. Okkar þingmaður sagðist ekki efast um að lestarsporin á Sjálandi væru léleg, en verra væri það hér, þar sem þau væru ekki til staðar lengur. . .

 

Leiðin frá Sönderborg til Gråsten er lokuð og verður það næstu 3 vikurnar. Strætisvagnaferðir um svæðið falla niður kvölds og morgna á næstunni. Eftir viku geta hjólreiðamenn og ökumenn bifhjóla vænst þess að komast ferða sinna þarna. Ekki veit ég hvernig skjólstæðingarnir mínir 2 sem þarna eru í skóla eiga að komast í skólann á meðan ástandið er svona. Þessi "lækur " er við hliðina á skólanum þeirra.

 

Þetta voru danskar veðurfréttir.

Farin út í garð að horfa á sólina sem er að glenna sig. 

Næst geta svo komið fréttir af eldingum sem hér voru í gær

Bara að segja til...

Over and out

í

vindue vask 

 

Léttur sprettur...

                                        

Kom þú fagra veröld,

með öllum þínum möguleikum.

Leggðu að fótum mér, 

leyfðu mér að njóta með mínu fólki.

Láttu okkur muna

að meta allt sem gott er.

Að vera þátttakendur í núinu.

Að vera og njóta.

Alltaf.

 

Eintal - fleirtal

Hef verið að velta því fyrir mér síðustu daga að hér við hliðina á okkur er annar heimur.

Vissuð þið það?

Nú er ég ekki að tala um andaheim eða neitt í þá átt sem það nú getur farið.

Ég er að tala um heim sem er nýtilkomin og við erum að nota dags daglega.

Við notum hann og erum kannski ekki meðvituð um hvernig hann virkar eða að við séum þátttakendur í honum eða bara alls ekki þeir þátttakendur í hinu raunverulega lífi á þann hátt sem við höldum.

Er þetta að verða torskilið?

Ég er að tala um heim sem byggður er upp á tækni. Tækni sem gerir kleift að eiga samskipti við aðra sem ekki eru til staðar þar sem þú ert. 

Ég er að tala um mátt smsa.

Að vera til staðar, að eiga samskipti við aðra sem eru ekki á staðnum.

Að þeir sem eru á staðnum vita ekki af samskiptunum við hina sem eru ekki á staðnum.

Að þeir sem eru ekki á staðnum vita ekki af samskiptunum við þá sem eru á staðnum. 

Eintal - fleirtal. 

Það var og...

Ljón: Plánetnurnar benda þér á möguleika sem þér voru ekki ljósir fyrr. T.d er möguleiki að vinna starfið sitt og verða ríkur í frítímanum.

Nokkrum dottið þetta í hug

Skoða málið.

Hvað?

                    Er að velta því fyrir mér hvað ég hef að segja hér... 

Vatn og ...

Minn uppáhaldsdrykkur er vatn. Hvort það var þess vegna sem ég fékk þennan pistil sendan á sínum tíma veit ég ekki. Mér datt í hug að leyfa ykkur að lesa þetta 

 

VATN

75% Bandaríkjamanna eru með krónískan ofþurrk. (Á sennilega við helminginn af íbúum jarðar) Hjá 37% Bandaríkjamanna er þorstaskynjunin orðin svo slök að hún er oft túlkuð sem hungur.

Jafnvel vægur ofþurrkur getur hægt á brennslukerfi líkamans um 3%.

Eitt glas af vatni nægði til að slá alveg á hungurverki seint að kvöldi hjá næstum 100% þátttakenda í könnum hjá Háskóla í  Washington.

Ónóg neysla af vatni, er í FYRSTA SÆTI yfir það sem veldur þreytu yfir daginn.

Niðurstöður úr einni könnun gefa til kynna að drekki fólk 8-10 glös af vatni yfir daginn gæti það létt á bakverkjum og liðaverkjum hjá allt að 80% þeirra sem þjást af þessum verkjum.

Ef vatnið í líkamanum minnkar um aðeins 2% getur það valdið lélegu skammtímaminni, erfiðleikum með einfalda stærðfræði og skorti á einbeitingu við lestur á tölvuskjá eða annað prentmál.

Að drekka 5 glös af vatni á dag dregur um 45% úr áhættu á krabbameini í þörmum auk þess sem það getur dregið allt að 79% úr áhættu á brjóstkrabba og lækkar áhættu karlmanna á blöðruhálskrabbameini um 50%.

 

Viltu ekki fá þér vatnssopa???

 

KÓK

Í mörgum bandarískum fylkjum er vegalögreglan með 10 lítra af kóki bílunum hjá sér til að þrífa blóð af vegum eftir umferðarslys.

Þú getur sett T-Bone steik í skál af kóki og hún verður horfin eftir 2 daga.

Til að hreinsa klósettið:

Helltu einni dós af kók ofan í klósetið, bíddu í eina klukkustund og sturtaðu svo niður. Sýran í kókinu leysir upp bletti.

Til að fjarlægja ryðbletti af krómstuðurum: Dýfðu krumpuðum álpappír í kók og nuddaðu stuðarann.

Til að hreinsa rafgeyminn í bílnum: Helltu einni dós af kók yfir rafgeymatengslin.

Til að losa ryðgaðan bolta (skrúfu). Rennbleyttu tusku með kóki og haltu henni að boltanum í nokkrar mínútur.

Til að fjarlægja fitubletti úr fatnaði: Helltu einni dós af kók í þvottavélina bættu við þvottaefni og þvoðu eins og venjulega. Kókið leysir upp fitublettina.

Framrúðan á bílnum þínum hreinsast líka vel með kóki.

Virka efnið í kók er phosphoric acid.  Ph í kók er 2.8. Það getur leyst upp nögl á ca fjórum dögum.

Til að flytja Coca-Cola sýrópið (fullan styrk) þurfa vöruflutningabifreiðar að hafa á sér viðvörunarskilti sem einungis eru notuð á bíla sem annast flutning á MJÖG ÆTANDI EFNUM.

Dreifingaraðilar Coca-Cola hafa notað gosdrykkinn í um það bil 20 ár  til að hreinsa vélarnar í trukkunum hjá sér.

 

Langar þig enn í hressandi dós af Cola drykk?

Útskýring fyrir. . .

Jóna bað mig að útskýra nokkur atriði í morgunnfærslunni minni. Geri tað gjarnan. Finnst nú ekki gott að fólk líti út eins og spurningamerki

Slottid:

Yngri dóttirin er farin á eftirskóla og tar er um að ræða alvöru höll  Kannski með 2 draugum

Pavillon: 

Í staðin fyrir að byggja útistofu ( búin að fá upp í kok á að breyta og byggja við húsið ) tá gefur tetta möguleika á "að hugge sig i haven" á kvöldin 

Fósturbarn: Erum hvíldar( veit ekki ísl. orð ) foreldrar 16 ára einhverfar snótar.

Innbrot: Hún braust inn til okkar í gær tar sem ákveðnir hlutir í lífi hennar voru ekki að virka og tá var bara ein leið. Skipti engu að við (ég) vorum ekki heima.

Rólegt . . .

Rólegt hér.

Búin að fara með litlu prinsessuna í slottið.

Rólegt, ef undan er skilið suðið í imbanum.

Fósturbarnið mætt á staðinn.

Braust bara inn.

Hafði ákveðið upp í sínu einhverfa höfði að hún væri að koma núna . . .

Helgin var góð.

Náði að sigla og versla garðhúsgögn og pavillion.

Fara með prinsessuna í slottið.

Ná mér niður eftir innbrot fósturbarnsins,

hjóla um sveitirnar i kring

og njóta lífsins sem er núna.

Nú tekur við vinna og frí og vinna og frí. . .

Nóg að gera.

Over and out.

Er ég . . .

Spurning dagsins:

Er ég að fara út að sigla?

Hugmyndin er að sigla hér upp í Alsund og liggja við akkeri eða ef tími er til að sigla upp í Dyvig og liggja í höfninni. 

þetta sumar hefur ekki verið sumar siglinga.

þetta sumar hefur verið sumar breytinga og framkvæmda, skreytt með gegndarlausri rigningu og á köflum  full vindasamt úr vestri sem er verra en austan vindur hér um slóðir. Búin að læra það

Er í vinnunni núna á 24 tímum. Ferlegur munur að klára þetta svona. Eina vandamálið er að muna hvenær á að mæta í vinnuna

Ég á mér ekki von...      um að breytast í rólegan dana á ég við. Er nefnilega svo mikill íslendingur að ekkert getur lagað tað Reyndar er ég búin að lifa rólegu lífi í nokkra mánuði en váá...  ég var ekkert duglegri. Segi nú ekki að garðurinn hafi fengið aðeins meiri tíma en venjulega en samt held ég að ég sé best þegar nóg er að gerast, annars leiðist mér

Spurningunni er enn ekki svarað. Kemur allt í ljós eftir hádegi. Bara bíða. Ekkert mál

 

 Góða helgi