Í fjarlægð

Tækni stemming

Hér á bæ er mikil stemming. Ég vænti mikils af þessum degi. Hvernig á það annað en geta ræst, þegar kona hefur dag sinn með því að vakna klukkan 2 að morgni þessa dags, liggja eins og dauð (með smá dauðateygjum og spörkum/kippum) til klukkan tíu í fjögur (enn á sama degi)? Þá hoppaði ég af minni tæru snilld fram úr rúminu og út á gólf. Minn elskulegur var nefnilega að fara á fætur líka og búa sig undir að fara (með vini sínum. Já, aftur. Miklar vinaferðir). Ég sveif fram eins og álfkona og inn á skrifstofu, kveikti á lífæðinni minni og beið meðan hún vaknaði líka. Loggaði mig inn á msn og SJÁ: prinsessan í Ammríkuhreppi var auðvitað vakandi og í tölvunni (enda klukkan ekki orðin 21 hjá henni) Svo ég skrifaðist á við hana og las á alheimsvefnum, kvaddi minn með kossi og góðum óskum þegar ferlíkið kom og sótti hann. Þökk sé tækninni gat ég svifið um heiminn og sankað að mér mis mikilvægum upplýsingum og bulli, skrifast á við dóttluna og látið tímann líða þar til heimurinn minn vaknaði. Þar sem ég er hraðlæs (hraðtalandi og hraðhugsandi) var ég brátt búin að lesa og kvitta hér og þar sem ég þorði. Lítur ekki vel út: Guðrún Þorleifs, 12.1.2009 kl. 03:02 svo maður kvittar bara hjá þeim sem ekki fá ranghugmyndir. (Held ég Pinch ) Þegar mér var orðið kalt skreið ég upp í rúm aftur til að fá hita í kroppinn, Ekki nennti ég að kveikja upp í rómantískum ofninum klukkan 6 að morgni, svo ég las, því ég var ekki syfjuð. Óli Lokbrá hefur líklega átt leið um og stráð einhverju í augu mér, því það næsta sem ég veit er að Rasistasímafélagslánssíminn minn hringir einhver staðar í húsinu. Eftir mikið bras, þá náði ég sambandi við hringjandann sem var nýfundna "horfna konan". Margt að gerast þar.

Nú er ég búin að Skypast við soninn, drekka með honum morgunte/kaffið. Bara kósý. Svona er tæknin. Börnin mín hér og þar í þremur heimsálfum en mútta í sambandi við sína unga InLove Vantar bara að tala við ferðalanginn í Suður/mið Ameríku, það kemur líka Smile

Já, þetta var tæknistemming morgunsins.

Nú fer ég í ræktina, ætlaði að vera löööööööööngu farin Halo

Meginflokkur: Vinir og fjölskylda | Aukaflokkar: Bloggar, Ferðalög, Lífstíll | Mánudagur, 12. janúar 2009 | Facebook

Athugasemdir

Úff ég var orðin svo þreytt að lesa þetta, sko það var vegna þess að mér fannst allt ganga svo hratt fyrir sig

Ía Jóhannsdóttir, 12.1.2009 kl. 11:45

Ha ha haaa þú ert ágæt.
Hér gengur það semt ekki eins hratt fyrir sig að fara í ræktina. Var komin í gallann, enn þá datt mér í hug að konur með lámarks sjálfsviðringu láta ekki sjá sig með flekkótt naglalakk í ræktinni(skítt veri með rassálfagreiðsluna) svo nú sit ég hér með nýlakkaðar neglur og bíð "spök" eftir að herlegheiti þorni. Hvernig datt mér þetta í hug? Núna???

Guðrún Þorleifs, 12.1.2009 kl. 12:11

Ég var nú bara farin að spá hvort ég þyrfti ekki að skríða uppí rúm og hvíla mig eftir lesturinn. Úfff...

En merkileg þessi tækni, veit ekki hvar við værum ef við gætum ekki haft samband við fólk um allan heim á öllum tímum sólarhringsins. Hvernig fórum við af án gemsa, msn, tölvupósts og skype?

Vilma Kristín , 12.1.2009 kl. 12:23