Sjóræninginn minn

Í dag er stór og mikill dagur hjá litlu prinsessunni minni. Í dag breyttist hún í sjóræningjaprinsessu! Hún vaknaði klukkan 5.30 til að gera sig klára Svona umskipti taka tíma!

Tilefni þessara umskipta hennar er að í dag er hennar allrasíðsti skóladagur og nú eru engar bækur á borðum!  Í dag er dagur leiks og gleði. Allir krakkarnir klæða sig út, skreyta hjólin sín með borðum, blómum og flautum.

Við unnum við það í gærkvöldi mæðgurnar að skreyta hjólið. Það var alveg rosalega skemmtilegt og ég missti mig alveg í krumpupappírsrósagerðinni

Sjóræningjaflaggið fékk að fara með og á sætinu var hauskúpuhlíf.  Pabbinn kom líka með klemmu og smellti plastspjaldi á stellið.

Á stýrinu var flauta. Í körfuna var svo sett hávaðaflauta, svona þrýstikútsdæmi...

 

 

 

Hér er fákurinn fíni tilbúin í ævintýri með sjóræningjaprinsessunni

  

Sjóræningjaprinsessann tilbúin!

Með í ferðinni var sjóræningjasekkur sem innihélt ferlegan feng,

6 kg af karamellum og 3 brúsa af rakkremi.

Karamellunum er hent yfir yngri nemendur og rakkremið notað til að að úða á yngri vini og systkyni.

Þykir skemmtilegt að vera á þeim lista

 

 

 

 Síðan komu bekkjarfélagarnir

Byrjað var hjá þeim sem lengst býr í burtu og svo safnað saman á leiðinni þar til allir voru með.

Bryndís var síðust og því var þetta hávær hópur sem var hér klukkan 7 í morgunn.

Hávær og skrautlegur hópur!

 

 

 

Svo hurfu þau hávær út í bjartan og hlýjan sumardaginn.

Mikið var ég fegin að ég fór yfir í Kökuhúsið og lét Hans og Grétu vita af væntanlegum látum.

En dagur ærslabelgjanna verður langur.

Núna eru þau að borða morgunnbrauð á skólanum. Morgunnverð þar sem áttundubekkingar hafa dekkað borð og þjóna þeim og þeirra kennurum til borðs. Síðan verður leiksýning. 

Að henni lokinni hefst fjörið í skólagarðinum með karamellukasti og rakkremssprauti.

Maður kemur ekki fínn í skólann þennan dag

Frá kl 11 til kl 13 er pása og að henni lokinni munu allir ærslabelgir Sönderborgar safnast saman niður við Slott, þeyta horn sín og flautur og láta bæinn taka eftir sér.

Seinnipartinn hjóla þau svo heim til bekkjakennarans síns og borða hjá henni. Að því loknu er bekkjarpartý heima hjá einni stelpunni og vonar maður bara að það fari vel fram. Sjóræningjaprinsessan mín er búin að fá skýr skilaboð um hvað hún má (Mútta svo pædagogisk) 

Allt í allt finnst mér þetta skemmtilegur siður, sem gefur góðar minningar.

 

 

Athugasemdir

[stina 1.6.2007 kl. 10:04]

Hæ og tilhamingju með sjóræningjaprinsessuna  - rosa flott.  Minn prins fór at stað í gervi Adams (að sjálfsögðu var Eva líka á staðnum). 

Er svo sammála þér með hvað þetta er skemmtilegur siður, naut þess svo sannarlega að fylgjast með fleiri hollum í morgun sem hjóluðu hér niður Grindarvíkurafleggjarann.

Við skulum bara vona að sjóræninginn og Adam fylgi ráðum "yfirvalda" og geri bara það sem þau mega .....allavegana að dagurinn verði þeim bæði skemmtilegur og eftirminnanlegur .  Góða helgi

[Ásdís Sigurðardóttir, 1.6.2007 kl. 13:52]

Aldeilis fjör hjá ykkar börnum í dag. Þetta hlýtur að vera alveg mega gaman fyrir þau. Vona eins og þú að allt fari vel fram og unglingarnir komi heilir heim. Sæt skvísan þín

[Steinunn Helga Sigurðardóttir, 2.6.2007 kl. 08:02]

þetta var að sjálfsögðu líka hérna, sól var alsæl, hafði fengið 10 karamellur. hún er nú bara að klára3 bekk, en það er stórt því hún fer frá SFO_en sem er skóladagheimilið yfir í klúbbinn, og það er stórt. í tilefni dagsins fóru þau í BOBBONland, fyrsta sinn án pabba og mömmu.

það er flott hjólið hennar, siðurinn minnir á þegar þau verða stúdentar ekki satt.

ljós til þín frá mér

steina 

[Guðrún Þorleifs, 4.6.2007 kl. 15:32]

Takk fyrir innlit og kvitt Allt fór vel fram enda börnin góð

Allt eru þetta skerf og áfangar sem gaman er að gera eftirminnilega með einhverjum hætti