Æfingavika 1

Þá er fyrstu æfingavikunni lokið og best að fara yfir gang mála.

Svona leit þetta út:

9/4       23 km á léttu tempó

11/4    13 km létt með hjólahópnum mínum

11/4    39 km puð upp brekkur og hraði með Hjólaklúbbnum C hóp

13/4    34 km millihraði í byrjun, hratt í lokin. Æfði mig í að hanga í næsta hjóli fyrir framan.

14/4    17 km hratt tempó, æft að hanga aftan í næsta hjóli.

Samtals km í vikunni: 126 km

Þessi vika gekk ágætlega allt þar til ég lenti á kantsteini og endaði hjólatúr dagsins í hrúgu á gangstétt niður við strönd.

Nú fer hjólið í viðgerð og hnéin með pástur. Nýju fínu hjólabuxurnar verða sendar til álfkonunnar góðu sem mun sauma saman bæði götin á hnjánum.  

Þetta var upplifun! Ég sem hafði verið að pæla í að hjóla á hlýrabol í góða veðrinu var þakklát skynsemi minni sem varð yfirsterkari og því var ég í langermapeysu Hafði eitthvað með það að gera að vinkona mín hafði nýlega tekið á móti tveimur hjólaslysum og haft á orði að það hefði verið ótrúlet hvað fólkið var krjálað þrátt fyrir góðan fatnað.

Þarf að spá betur í þetta. Ég var svo upptekinn við hanga í dekkinu hjá mínum manni að ég var of sein að uppgötva að innkeyrslan á hjólastíginn frá götunni sem við vorum á, var frekar mjó og ég lenti því á fullri ferð á kantsteininum við hliðina. Bæng!

Nú er ég reynslunni ríkari.

Á morgunn hefst svo ný æfingavika og ég tek bara hjólið hjá mínum manni og held áfram með planið

Athugasemdir

[Ásdís Sigurðardóttir, 15.4.2007 kl. 15:41]

Endurtek !! farðu varlega, íþróttaslys eru ótrúlega algeng, ég t.d. lamdi stórutá í þegar ég var að labba um íbúðina í gær      ekki mikil líkamsrækt á þessu heimili, kallinn enn á hækum og ég hölt.

[Steinunn Helga Sigurðardóttir, 15.4.2007 kl. 16:33]

ljós frá mér

steina 

[Guðrún Þorleifs, 15.4.2007 kl. 17:31]

Ásdís, þú veist nú líklega að það er stórhættulegt að vera heima. Flest slys gerast í heimahúsum Vonandi er maðurinn þinn á góðum batavegi og ég efast ekki um að þínni helti fylgi sársauki, erum með svona mjaðmavesen hér á heimilinu, eftir alvarlegt slys. Ég fer varlega, gleymdi mér og tók svo vitlausa ákvörun Gerist...

Takk Steina min

[Katrín Snæhólm Baldursdóttir, 15.4.2007 kl. 23:51]

Iss þú átt eftir að hjóla blindandi í mark..láttu bara undirvitundina um málið. Þannig kemst ég oft á milli staða keyrandi..algerlega úti á túni og man ekki baun hvernig ég komst akandi milli staða því ég var einhversstaðar allt annarsstaðar. Undirvitundin mín er miklu betri bílstjóri en ég