Frábært!!!

Komin heim að heiman eftir frábæra daga. Tíminn heima var góður en erfiður. Ný reynsla að vera ekki með fulla orku. Gott samt að finna orkuna aukast.

Námskeiðið sem sem ég var á var ótrúlega áhugavert og gaman að hitta nýtt fólk og heyra hvað það er að gera. Allir með markmið að stefna að. Frábært! Kláraði líka síðasta verklega þáttinn frá síðasta námskeiði. Það var ég að gera eftir að hafa verið á námskeiði í 9 tíma og stundum aðeins meir því efnið var mikið, sem farið var í gegnum. Alltof stuttur tími fyrir þetta. Já sumir dagarnir voru 12 tíma verkefni. Þá var nú gott að skella sér í heita pottinn

Ferðin til Íslands var farin með uppáhalds óvinaflugfélaginu mínu. Sér "trútt" var seinkun upp á eina 7 tíma. Þetta reyndist að sjálfsögðu gríðarlegt tækifæri. Ég var svo heppin að kynnast tveimur alveg brilliant skvísum þarna. Saman upplifðum við mikil ævintýri og skemmtilegar stundir. Gaman að kynnast þarna konum sem ég hefði annars ekki kynnst Þarna fékk ég líka þessi fínu afmælisföt svo ég var Burkulaus í afmælunum.

Ég var ekki aðgerðarlaus á Íslandi þegar ég var ekki á námskeiðum. Fór í tvö afmæli og hitti fjölskylduna og fullt að "gömlum"  Sönderborgurum. Verulega skemmtilegt það Heppin að allir þekktu mig, því ég var ekki falin i Burku.

Svo var ég boðin á Konukvöld Bylgjunnar af Bylgjunni, því ég hafði tilnefnt afrekskonu ársins 2009 og mín glæsilega tilnefning var valinn. Maður hefur nú auga fyrir gimsteinum Gríðarlega skemmtilegt!

Í gær fór ég svo að kjósa í Köben og nú er ég búin að leggja mitt af mörkum til að bjarga landinu. Verst að þegar maður kýs utan kjörstaðar getur maður ekki verið með yfirstrikanir.

 

Að lokum langar mig að setja inn smá gullkorn til ykkar og það er skattfrjálst svo hafið það á bak við eyrað.

 

Sönn vinátta stenst ekki

aðeins mótlæti heldur 

styrkist hún við það.

mikið . . .

Er hér enn.

Voða mikið fjör og mikið að gera við ýmiskonar nám. Nú er því að ljúka og þá mun ég halda heim í danska vorið. Verður spennandi eftir frábært veður hér. 

Hef ekki haft tíma til að kíkja á ykkur bloggvini mína og vona ég að það fyrirgefist Bæti úr því þegar ég kemst heim í rólegheitin. Held að það verði rólegt hjá mér Styttist samt í næstu ferð

Hafið það gott

Kveðja,

"þreytta"

Allt eða ?

Fyrirsögnin enn einu sinni að vefjast fyrir mér og þrátt fyrir góð ráð, hendi ég þessari inn í byrjun, vitandi það að hún kemur ekkert til með að hafa nokkurn skapaðan hlut með bloggfærsluna að gera.

.

.

.

Ég á vinkonu.

Reyndar fleirri en ein.

En þessi sem ég ætla að segja ykkur frá, eða eignlega ekki, er alveg "dettið niður dauð flott" skvísa.

(Hún hjálpaði mér að gera Afganistanburkuna sem breyttist í slæðu og ...)

Já, aftur að efninu. Hún átti afmæli fyrir 10 árum og þá var eitt STÓRT vandamál þegar bjóða átti til veislu!

Hún þekkti mig ekki nógu mikið til að bjóða mér!

Hrikalegt fyrir hana en satt.

Síðan hefur verið bætt úr þessu.

Sem sannur vinur "dettið niður dauð flottu skvísunnar" hef ég ákveðið að hún verði ekki fyrir þessum vonbrigðum aftur.

Því hef ég ákveðið að drífa mig í ammalið.

Tek 2 flug.

Fyrsta flugið frá SDB til KBH verður prinsessuflug. Ég mun sitja í flugstjórnarklefanum hjá flugstjóranum

Þegar ég lendi vélinni í KBH fæ ég einkafylgd yfir í Utanlandsflug og mun ekki þurfa að sjá um töskurnar mínar! 

Á eftir að redda mér í KEF en sæt eins og ég er þá ætti ekki vera vandræði að fá einhvern til að taka fyrir mig töskurnar af bandinu Reikna alveg eins með að yfirmaður öryggisþjónustunnar geri það ( er ekki svoleiðis þarna?)

Í bænum bíður mín eðalvagn og þvílík íbúð!

Panoramaútsýni!!!

Já, þetta verður alger prinsessuferð.

Því tók ég dekurdag í dag!

Var ekið í glæsivagni til Flensborgar þar sem ég dýfði mínum nettu fótum í vatn og fékk meðhöndlun við hæfi.

Verkið var kórónað með naglalakki og munstri á hverja einustu tánögl.

"Ég legg ekki meira á þig" (Stella í orlofi)

Jú, auðvitað legg ég meir á þig.

Hendurnar fengu sitt og nú hef ég þvílíkt flottar hendur og neglur, sem allar bera listaverk snillings.

Jebb....

Fékk líka þvílíka athygli á Naglstofunni að ljónynja hefði verið sátt

Já, ég er að verða klár fyrir afmælið hjá "dettið niður dauð flottu skvísunni".

Föt?

Já....

Humm...

Burka?

Lausnin mín

Var að kvarta yfir því við vinkonu mína að mig vantaði föt; Nei, nei sagði hún, áttu ekki Burkuna?

Jú einmitt það er til Burka hér á heimilinu. Reyndar hefur hún ekki verið notuð nema einu sinni og þá í tengslum við skólaverkefni en Burka er þetta samt. 

Ég sá, svona þegar ég fór að hugsa málið að þetta er málið. Ég tek hana með mér í næstu ferð til Íslands og nota hana þar. Veit ekki hvernig gengur með að keyra því það er alveg heklað fyrir augun. Auðvitað get ég bara látið aka mér en ég þarf að aka rútu þarna, svo ég held að það sé best að ég æfi mig á venjulegum bílum fyrst í umferðinni. Þið vitið læri leiðirnar þannig að ég rati þær blindandi.

Eftir því sem ég hugsa betur um þetta þá sé ég að þetta er flíkin í kreppunni. Kirtillinn í kreppunni eða eitthvað þannig. Þarna gæti ég lagt nýja línu í kreppufatnaði sem gæti einfaldlega bjargað heimilunum í landinu því ekki er ríkisstjórnin að gera það.

Já munið hugmyndin er mín og ef þið sjáið fagra konu í ljósblárri Burku í borginni fögru, þá megið þið alveg vinka, því þetta er kannski bara hún ég.

Det kan . . .

Sit hér í rólegheitum í hverfinu órólega. Skrapp meira að segja niður á Nörreport að versla. Allt rólegt. Ekkert að gerast fyrir utan eðlilega hreyfingu á fólki og bílum, fram og til baka.

Gott mál.

 

Skellti mér á fyrstu æfinguna eftir uppskurðinn. (hér er ekki niðurskurður) Ákvað að taka innanhússæfingu þar sem enn er kalt í lofti þó vorið sé sannarlega á leiðinni. Valdi að taka eina góða æfingu í IKEA. Gekk fínt, fyrir utan smá verki og einbeitingarskort. Það gerir samt ekkert, get bara farið aftur í IKEA seinna og einbeitt mér betur þá Kannski þegar búðin er lokuð, svo ekki verði gengið svona utan í mig og á mig. Er svo "sart" í augnablikinu og kannski líka ögn "langsom" og "ved siden af".

Það er frábært að geta leyft sér að fylgja svona skyndihugmynd og drifið sig af stað þangað sem mann langar. Síðast þegar við tókum svona snögga ákvörðun skelltum við okkur til Berlínar að sjá maraþonið þar. Frábær ferð líka.

Ég hef svo í hvíldarhléum mínum skipulagt aðrar ferðir. Það er jú nauðsynlegt fyrir ferðafuðu að ferðast og sjá heiminn nær og fær.  Ætli ég kjósi ekki bara á Íslandi, svona til að vera viss um að mitt atkvæði komist á réttan stað.

Já kæru bloggvinir, lífið er ævintýri sem á að njóta. Núið er nú

Ja det kan mærkes at man liver.

 

Det skal mærkes . . .

Skrapp með mínum í bæinn í morgunn. Vantaði smá járn á tankinn. Járnlady þarf nefnilega járn á tankinn þessa dagana. Var nánast orðin tóm. Á heimleið fann ég að ég var ekki alveg til í að fara heim strax. Búin að eyða síðustu tveimur vikunum þar í verulegum rólegheitum. Getur þú ekki farið með mig í smá bíltúr spurði ég minn. Jú jú, hvert viltu fara spurði hann. Bara þangað sem þú nennir að keyra sagði ég. OK sagði hann. treystir þú þér til Köben? Jebb sagði ég. Alltaf til í svona tjill. Komum við heima og náum í tannburstana og hundinn. Hún fékk að heimsækja Hullu og strákana í sveitina. Alsæl! Nú erum við komin hingað til að ég geti slakað á og haldið áfram að safna kröftum og hvar gerir maður það betur en þar sem allt er að gerast???

Det skal mærkes at man liver

Viðbúnaður í Kaupmannahöfn

Þar fór sú von . . .

En ég virði ákvörðun Davíðs.
Get bara ekki neitað því að ég er sannfærð um að endurkoma hans í íslensk stjórnmál hefði verið gæfuspor fyrir þessa þjóð.

Enn get ég vonað að forsetinn segi af sér. 

 

 

Davíð svaf á hugmynd um framboð

Væri gæfuspor

Það yrði gæfuspor ef Davíð kæmi aftur inn í íslensk stjórnmál.

Nú er bara að bíða og sjá hvaða ákvörðun hann tekur.

Kannski á Ísland von . . . 

Davíð í framboð á Suðurlandi?

Það hlýtur að vera hægt að taka á þessu af viti

Sem viðskiptavini og hlutabréfaeigenda í gamla Búnaðarbankanum með öllum þeim nöfnum sem í á eftir komu, reiðir það mig verulega að lesa um það fjárhagslega tjón sem fyrrum stjórnarmenn bannkas skilja eftir sig. Tjón sem er stærra en niðurskurðaráætlanir ríkisins í heilbrigðismálum!
Leyfi mér að linka á þessa frétt af visir.is.

Úr því ég er í pirringsbloggi þá vil ég líka segja:

- að mér finnst LÖNGU komin tími á að forseti Íslands segi af sér. Þvílík þjóðarskömm sem er að hafa hann í þessu embætti!

- að mér finnst hver skrauthúfan og aulagangurinn upp af öðrum í minnihlutastjórn Jóhönnu. Sé ekki að þessi stjórn muni eftir "velferð heimilanna" eftir að hún komst í ráðherrastólana. Þessi "boring" stjórn hefur sér til frægðar unnið að vera þátttakandi í stærsta einelti Íslandssögunnar!

Það er sannarlega margt sem sem veldur því að erfiðara og erfiðara er að vera stoltur Íslendingur. Þvílíkur bjánagangur og heimska sem viðgengst í krafti þess að nú eigi að færa allt til betri vegar.

Ef framhaldið í stjórnun og endurreisn íslenska efnahagskerfisins verður með sama stíl og á undan er gengið verður það "stórasta grín í heimi"

 Hér með hef ég komið af mér pirringi dagsins.

 

. .

Með miklum aga og mikilli þjálfun nær íþróttafólk æðsta takmarki sínu.
Í gegnum mótlætið getum við aðeins við aðeins fundið innri styrk og andlegt þrek.

 

...og já,

ég styð Davíð!!!

 

Er á fullu að láta mér batna svo ég geti komist á fullt í lífsdansinum aftur.

 

Hafið það gott