Í fjarlægð

Frábært!!!

Komin heim að heiman eftir frábæra daga. Tíminn heima var góður en erfiður. Ný reynsla að vera ekki með fulla orku. Gott samt að finna orkuna aukast.

Námskeiðið sem sem ég var á var ótrúlega áhugavert og gaman að hitta nýtt fólk og heyra hvað það er að gera. Allir með markmið að stefna að. Frábært! Kláraði líka síðasta verklega þáttinn frá síðasta námskeiði. Það var ég að gera eftir að hafa verið á námskeiði í 9 tíma og stundum aðeins meir því efnið var mikið, sem farið var í gegnum. Alltof stuttur tími fyrir þetta. Já sumir dagarnir voru 12 tíma verkefni. Þá var nú gott að skella sér í heita pottinn Smile

Ferðin til Íslands var farin með uppáhalds óvinaflugfélaginu mínu. Sér "trútt" var seinkun upp á eina 7 tíma. Þetta reyndist að sjálfsögðu gríðarlegt tækifæri. Ég var svo heppin að kynnast tveimur alveg brilliant skvísum þarna. Saman upplifðum við mikil ævintýri og skemmtilegar stundir. Gaman að kynnast þarna konum sem ég hefði annars ekki kynnst Smile Þarna fékk ég líka þessi fínu afmælisföt svo ég var Burkulaus í afmælunum.

Ég var ekki aðgerðarlaus á Íslandi þegar ég var ekki á námskeiðum. Fór í tvö afmæli og hitti fjölskylduna og fullt að "gömlum" Sönderborgurum. Verulega skemmtilegt það Smile Heppin að allir þekktu mig, því ég var ekki falin i Burku.

Svo var ég boðin á Konukvöld Bylgjunnar af Bylgjunni, því ég hafði tilnefnt afrekskonu ársins 2009 og mín glæsilega tilnefning var valinn. Maður hefur nú auga fyrir gimsteinum Wink Gríðarlega skemmtilegt!

Í gær fór ég svo að kjósa í Köben og nú er ég búin að leggja mitt af mörkum til að bjarga landinu. Verst að þegar maður kýs utan kjörstaðar getur maður ekki verið með yfirstrikanir.

Að lokum langar mig að setja inn smá gullkorn til ykkar og það er skattfrjálst svo hafið það á bak við eyrað.

Sönn vinátta stenst ekki

aðeins mótlæti heldur

styrkist hún við það.

Flokkur: Vinir og fjölskylda | Föstudagur, 3. apríl 2009 | Facebook