Það sem ég vildi sagt hafa

Smá blogg hér í morgunnsárið. Var að sjá að það er seinkun í dag á fluginu heim. Gott að ég ætlaði ekki lengra en til einkasonarins.  Nú er þessu vikuferð runnin á endadag. Ég sem hef verið alsæl með "jólasnjóinn" í jólagjafainnkaupunum (keypti meira en hárnæringuna Lilja) sit nú uppi með afleiðingar veðursins, flugseinkunn. Gaman að þessu.

Ég hef verið að skondrast smá í búðum þegar ég hef hætt mér út fyrir hússins dyr. Konan er ekki búin til jöklafara, heldur uppáklædd sem borgarpæja úr útlandinu, mjög skynsamleg  

Í gær fór ég í Krónuna að kaupa hrygg og góðgæti handa fjölskyldunni heima, 4 hlutir í allt þar á meðal poki með fylltum lakkrís. Þegar ég kom að kassanum var afgreiðslusnótin í erfiðleikum með að skanna strikamerkið á lakkrísnum svo hún togaði í pokann, hornið af pokanum rifnaði af og ég horfði undrandi á hana leggja þetta hjá hinum vörunum. Ég vil ekki kaupa poka sem þú hefur rifið sagði ég. Afgreiðslusnótin horfði skilningsvana á mig. Reynslunni ríkari vissi ég nú að hún var ekki heyrnalaus heldur útlensk svo ég segi skýrt á ensku (með íslenskum hreim eins og hinir) að ég sé ekki að kaupa rifin poka. Hún yppir öxlum og ég ítreka að ég sé ekki að kaupa pokann og nú bendi ég á hann. Afgreiðslusnótin yppir aftur öxlum, tekur rifna lakkríspokann og segir 4850. Nei segi ég, ég ætla ekki að borga fyrir lakkríspokann sem þú reifst og ert búin að taka í burtu. Loksins skildi hún það, mínusaði vöruna, tók við peningunum, stóð upp og gekk fram fyrir búðarkassann þar sem stóð ungur maður. Á meðan ég pakkaði þessum fáu vörum sleikti hún tanngarð hans þarna við hliðina á okkur viðskiptavinum búðarinnar, eða hvað er maður í búð. . .
Svakalega spennandi að fara í búðir á Íslandi. Þetta var bara ein saga af fleirrum

Athugasemdir

[Ía Jóhannsdóttir, 24.10.2008 kl. 09:06]

Hhehe þessi slær öllu við!!!! 

[Katrín Snæhólm Baldursdóttir, 24.10.2008 kl. 12:00]

Og ég sem er að fara í Krónuna á eftir...held ég taki bara Bónus á matinn í dag. Matarlystin gæti afvegaleiðst við það að verða vitni að tanngarðasleikingum.

Já svona er ísland í dag!! Góða ferð aftur heim elskuleg. 

[Kristín Gunnarsdóttir, 24.10.2008 kl. 13:16]

Ja hérna hér, þetta er 'Island í dag

[Gudrún Hauksdótttir, 25.10.2008 kl. 07:52]

vadu segaeeikisledsk....Tetta tídir hvad segiru er ekki íslensk...á íslnendku

Knús til tín.

[Gudrún Hauksdótttir, 25.10.2008 kl. 10:16]

Ég meina íslensku

[Steinunn Helga Sigurðardóttir, 26.10.2008 kl. 11:07]

Kærleikur inn í fallegan sunnudag

steina

[Ásdís Sigurðardóttir, 26.10.2008 kl. 15:21]

Heppin er ég engin Króna hér og hef ekki séð tanngarði sleikta hér í bæ. Ég hefði örugglega verið búin að kalla á verslunarstjórann á þessu andartaki.  Knús og kærleikskveðja til ykkar