Í fjarlægð

Friðarspillar???

Alveg hefur það verið með ólíkindum hvernig ferð Balda og Birnu hefur verið. Sem betur fer hefur ferðin í alla staði gengið vel hjá þeim. En...
Það er nefnilega þetta skrítna sem fylgir sem en... Þegar þau yfirgefa staði fer allt á annann endann eða því sem næst. Sprengjur springa og órói í gangi. Þau hafa lofað að reyna skilja betur við staði en mér sýnist að það hafi ekki alveg tekist í Katmandu höfuðborg Nepal. Þar er nú allt á leið til... ja, fer eftir stjórnmálaskoðun manns hvort allt sé á leið til andsk... eða til hins betra.

Hér er frétt sem ég tók á mbl.is:

"Borgaryfirvöld í höfuðborg Nepal, Katmandu, hafa lagt bann við mótmælafundum og -göngum í hluta borgarinnar. Bannið tekur gildi í dag en eftir tvo daga mun nýkjörið þing landsins koma saman og lýsa yfir lýðræði en landið hefur verið konungsríki í rúmlega tvö hundruð ár.

Maóistar sigruðu í kosningum sem fram fóru í Nepal í síðasta mánuði og þegar niðurstöður kosninganna lágu fyrir sagði Prachanda, leiðtogi maóista, að fyrsta verk nýs stjórnlagaþings yrði að leggja niður 239 ára konungsveldi Nepals. „Það verða ekki gerðar neinar málamiðlanir varðandi konungsveldið," sagði Prachanda."

Baldvin hafði mjög gaman af því að kynna sér það sem var og er að gerast í Katmandu þegar hann var þar og var áhugi hans orðin slíkur að ég mælti með því að hann færi að hypja sig úr landinu svo hann færi ekki að taka þátt í þessum þörfu breytingum Wink
Í Nepal eins og mörgum fátækum konungsríkjum sveltur þjóðin á meðan konungsveldið veltir sér í ofgnót og alsnægtum.
Það er von mín að þessi stjórnarbreyting gerist hið fyrsta og að þessu stolta fólki takist að byggja upp ríki sem hlúir og eflir þegna landsins. Þetta duglega fólk sem byggir Nepal á allt gott skilið.

Baldi minn, hvernig er ástandið í Norður-Tailandi?
Drífa sig að nýta netið Smile

Megi þið eiga góðan dag!

Flokkur: Vinir og fjölskylda | Þriðjudagur, 27. maí 2008 | Facebook

Athugasemdir

Það veður ábyggilega úr öskunni í eldinn. Þeir innlima svo vesalings þjóðina inn í Kína og þá fyrst verður fjandinn laus.

Gunni Palli kokkur.

Gunnar Páll Gunnarsson, 27.5.2008 kl. 23:05

Því hversu mikils virði er fullur magi ef maður má ekki hafa sjálfstæða skoðun á neiniu. Það er ýmugustur af Maoistum.

Gunni Palli kokkur.

Gunnar Páll Gunnarsson, 27.5.2008 kl. 23:07

Þetta getur auðvitað verið eins og pest og kólera. Verum bjartsýn og vonum að þessi þjóð beri gæfu til að komast alla leið til farsæls sjáfstæðis. Vona það besta. . . .

Guðrún Þorleifs, 28.5.2008 kl. 06:09

Bara að kíkja á þig hérna, Guðrún mín. Þekki líklega ekki nógu vel til þess sem þú ert að skrifa um, til þess að tjá mig neitt, en sendi þér bara góðar sumarkveðjur til Danmerkur í staðinn!!

Lilja G. Bolladóttir, 29.5.2008 kl. 00:48