Meira myndablogg

Ákvað að setja inn myndir frá síðasta ferðalagi. Er þannig að ná í "skottið" á mér Mikilvægt að fjölskylda og vinir geti nú fylgst með hvert öðru þegar svo margir eru á brölti út um allt

Ferðin til Marakó lá í gegnum Heathrow. Já, nákvæmlega!!! Terminal 5 var áfangastaður þegar komið var frá Hamborg. Það var skrítin tilfinning að hafa lesið um töskuvandamálin þarna og lenda svo sjálfur í vandamálinu!

 

 

Ég var þó heppnari en margir. Taskan fannst eftir um 2ja tíma leit.

 

Úti urðum við að bíða 1 tíma eftir hótelbus (hefðum átt að taka taxa).
Þannig fóru 3 dýrmætir tímar í ekkert, en planið var að skjótast inni borgina og berja hana aðeins augum.

Hótelherbergið í Lon og don var lítið enda átti bara rétt að sofa þar yfir blánóttina.

Við fórum snemma á fætur og nú tókum við taxa út á flugvöll. Vel gekk að tékka sig inn og flugið til Madríd fór fínt upp og fallega niður. Alltaf gott mál þegar þannig gengur. Í Madríd þurftum við að bíða í vélinni meðan þeir sem ekki ætluðu lengra yfirgáfu vélin. Þegar það lið var farið var okkur smalað í rútu og nú hófst rútuakstur um neðanjarðargöng Madrídarflugvallar. Var ekið með okkur í ótrúlega langan tíma um þessi göng og ranghala. Á einhvern leiðarenda komum við og þar var okkur hleypt út. Ekki var erfitt að finna út hvert við áttum að fara, því allt var sett upp í pottþétt kerfi sem virkaði. Við komumst svo í vélina sem flutti okkur til Tanger.

Á Tangerflugvelli beið okkar einkabílstjóri á Landkruser
 Hann ók okkur á 5 stjörnu hótel og þar var nú þokkaleg aðstaða. 

Rúmgott og bjart herbergi.

Góðar "svalir", yndislegur gróður og fínn hiti

Við skelltum okkur strax í göngutúr í góða veðrinu.

Byrjuðum í garðinum við hótelið.

Utan við garðinn var ströndin og seglskúta á ferð

Því lá leiðin niður á lystbátahöfnina, hvað annað?

Veður var þannig að ekki var vandamál að stúta einum köldum utan dyra

 

 

Að vanda tókum við daginn snemma og þarna vorum við ekki svikin. sólaruppkoman var yndisleg! 

Þarna vorum við komin á fætur kl. 6.00 að Marakóskum tíma, sem 8.00 að dönskum tíma, 7.00 að enskum tíma og 6.00 að íslenskum tíma. Skondið, ef spáð er í staðsetningu landsins.

 

Eftir góðan göngutúr var ljúft að setjast að morgunnverðarsnæðingi utan dyra

 

Þessa 2 hittum við á ferðum okkar

 

...og þessa 2 sáum við

 

Þessi 2 voru ansi kát

 

 Þetta var ótrúlegur draumur

 

Að loknum ævintýralegum degi var við hæfi að innbyrða kvöldmatinn í huggulegu umhverfi.
Maturinn var ekki neitt sem olli vonbrigðum frekar en annað þarna . . . 

 

Já, mín var glöð þegar hún komst á netið.
Netið var hægvirkt en við gátum kíkt á mbl.is.

Möst að fylgjast með.

Þetta var svona smá í myndum frá stuttu, spennandi og ótrúlegu ferðalagi til Marokkó.

Athugasemdir

[Hulla Dan, 8.4.2008 kl. 21:35]

Ok! Ég þanngað
Sitt hérna skjálfandi á beinunum, því allir eru farnir að sofa og ég NENNI ekki að reyna að við að kveikja upp. Tekur minst 2 tíma hjá mér.
Þrái hita og sól og er ekki vel að fatta afhverju er ekki löngu komið sumar hjá okkur.
Ætti kannski að flytja nyðureftir. 

[Guðrún Þorleifs, 9.4.2008 kl. 06:39]

Hulla, sammála!!! Það er of kalt hér núna. Þurfti að skafa rúðurnar í morgunn  Vona að það verði ekki svona á Íslandi!!! Þegar við hittumst skal ég kenna þér að kveikja upp. Held að þá verði komið svo gott veður að þú munir ekki hafa þörf fyrir þekkinguna  Vesen á þér að vera að þvælast svona til Köben

Guðmundur, þetta var heilmikil upplifun fyrir okkur. Kom okkur á óvert hve gríðarleg uppbygging er þarna komin í gang. Það var magnað að koma þarna.

[Ásdís Sigurðardóttir, 9.4.2008 kl. 10:21]

Yndislegar myndir, gott að ferðin gekk svona vel.  Hafðu það sem best mín kæra.    

[Guðrún Þorleifs, 9.4.2008 kl. 16:11]

Ásdís mín, gangi þér vel á morgunn

[Steinunn Helga Sigurðardóttir, 9.4.2008 kl. 16:15]

yndislegt !!! ohhh sumar og sól !

Blessi þig

steina

[Guðrún Þorleifs, 9.4.2008 kl. 16:41]

Steina mín, eigum við ekki að trúa því að brátt verði hjá okkur sumar og yndisleg sól

Kær kveðja til þín  

[Lilja G. Bolladóttir, 12.4.2008 kl. 01:41]

Æææðislegar myndir...... ég sit núna á næturvakt, er syfjuð og mér er kalt, en gott ef ég fékk ekki smá hlýju í kroppinn við að lifa mig inn í myndirnar þínar

[Huld S. Ringsted, 12.4.2008 kl. 21:22]

Flottar myndir! Ég hef einu sinni komið til Marokko, frábær staður