Í fjarlægð

Á sumartíma . . .

Nú er ég komin fram úr sjálfri mér og dönsku tímatali. Ég er sem sagt án klukku farin að vakna kl 6.30 hvort heldur er frí eða ei Pinch Sumartíminn skellur ekki á fyrr en um næstu helgi og þá verð ég í Berlín. Það er í sjálfu sér allt í lagi að vakna svona snemma alla daga ef ekki væri fyrir það, að ekki er svo mikið að gera svona snemma dags. Ræktin opnar ekki fyrr en kl 8 og 9 á svona spesíal dögum og aðrir íbúar hússins sofa svefni hinna réttlátu og ekki vert að vekja þau með hávaðanum í mér Wink

Ég er sem sagt búin að vera að mæta í ræktina í fríinu. Alla daga, ójá!!!

Á Skírdag skellti ég mér með Stínu nabo í ræktina. Við náðum fínni sveiflu þarna og drengpjakkarnir hennar héldu þetta þokkalega út. Getur bara ekki verið gaman að þurfa að hanga svona fyrir atorkusama pjakka. Við bókuðum okkur í spinningtíma sem verður á eftir. Þar með er ég vonandi búin að brjóta þann múr. Vona bara að mér líki þjálfarinn. Er samt raunsæ og veit að ég verð að stilla kröfunum í hóf. Engin er sem Daggan sem nú er orðin Reykjanesbæingur.
Ef ekki væri fyrir það að Stína nabo ætlar með mér, væri ég búin að afpanta tímann. Ekki er veður þannig að ég færi í hjólatúr í staðinn. Hér geisar mikið vorhret á glugga (bílrúðum).

Framkvæmdir með herbergi prinsessunnar eru á lokastig. Hún er flutt inn en aðeins vantar að setja síðustu hönd á innstungur fyrir rafmagn og sjónvarp. Það kemst í lag í dag. Þá er einnig fyrir hugað að fara í smá innkaupa leiðangur og mubla upp hjá henni. Kröfurnar eru ekki stórar bara eina hillu Wink Vona að við finnum hina einu sönnu hillu.
Heppnin var með mér í gær, ég fann húsnæði til að geyma skápinn, skrifborðið, hilluna og annað skrifborð. Hjúkket. Kem þessu vonandi frá mér seinni partinn. Þá er kannski von til þess að ég nái að laga til í stofunni, sem litið hefur út eins og Flóamarkaður með allt þetta dót/drasl sem fylgir svona framkvæmdum Blush
Ég er komin með upp í kok nóg af húsaendurbótum Crying Verst að eftir er að einangra herbergið hjá Ingunni Pingunni og alveg eins líklegt að það fái að bíða haustsins því nú fara útiverkefni að vera aðkallandi.