Upp á líf og dauða . . .

Vaknaði í morgunn og langaði að snúa mér á hina hliðina, átti hana örugglega eftir. Slæm samviska kom mér fram úr. Allt var tilbúið fyrir átökin. Ég hafði munað eftir því að sækja æfingagallann út á grænu snúruna mína rétt áður en ég fór að sofa. Það þýðir að verknaðurinn fór fram í myrkri utan dyra og einnig hér innan dyra. Til hvers að vera að kveikja ljós þegar allt er komið í ró og maður veit hvar allt er? Raðaði mínum galla á stofuborðið, þá get ég hoppað í hann með lokuð augun þegar ég kem fram úr herberginu á morgnana. Liggur vel við minni leið inn í daginn. Í morgunn ætlaði ég bara að smella mér í gallann í morgunnskímunni, óþarfi að kveikja ljós. Þegar ég tek svarta NIKE bolinn heyrðist þvílíkur hávaði!!! Mér dauðbrá. Hljóp með  bolinn út í dyr og hristi hann og snéri.(mundi ekki eftir svalahurðinni við hliðina á mér ) Það var bara of seint! Ferlíkið sem hafði geymt sig í bolnum mínum hafði sloppið út á leið minni í gegnum eldhúsið og nú hvein og söng í öllu þar.  Þvílík risa ófreskja!!! Ég vopnaði BT með flugnaeitursbrúsa af stærstu gerð og nú átti ófreskjan ekki nokkra von. Hún lét í lægra haldi eftir mikla baráttu. Úðabrúsinn er tómur, ófreskjan dauð og ég hef tekið gleði mína á ný.

Allt er gott sem endar vel.

Finnst mér

 

Athugasemdir

[Baldvin 19.3.2008 kl. 09:27]

Hahahaha

Það verða að fylgja myndir með svona færslu! 

[Guðrún Þorleifs, 19.3.2008 kl. 09:56]

Halló!!! Ég er rétt að jafna mig. Hugsaðu þér ef þú hefðir orðið hálf móðurlaus þarna Spurning um að fá Gul til að teikna þetta fyrir þig

[Huld S. Ringsted, 19.3.2008 kl. 20:18]

Arg!! í svona tilfellum vil ég hafa vetur allt árið

[Guðrún Þorleifs, 19.3.2008 kl. 21:18]

já, það er málið Huld, muna að njóta árstíðarinnar

[Hulla Dan, 19.3.2008 kl. 21:26]

Hummm mér rennur kalt vatn milli bols og baks... Hvað í ósköpunum var þetta???

[Guðrún Þorleifs, 19.3.2008 kl. 21:37]

SKRÍMSLI!!! Ógeðsleg fiskifluga af risa ættum   og þvílíkur hávaði sem hún gaf frá sér.  Ómar enn í eyrum mér

[Hulla Dan, 19.3.2008 kl. 21:48]

Fiskifluga  
Ég veit nú margt ógeðslegra...
T.d kóngulær  og hrossaflugur

[Guðrún Þorleifs, 19.3.2008 kl. 21:59]

HALLÓ Hulla!!! Athugaðu að þetta var ófreskju fiskifluga og hún var með magnara. Hún var alveg brjáluð!!! ( úr hræðslu??? )

[Hulla Dan, 19.3.2008 kl. 22:25]

Ú þá er þetta náttúrulega allt annað mál.
Gerði mér bara enga grein fyrir að hún hefði verið með magnara!!!
Voðalegur hrillingur er að heyra þetta....

[Hulla Dan, 19.3.2008 kl. 22:28]

Sorry, skulda víst ufsilon þarna uppi, í hryllingnum

[Ásdís Sigurðardóttir, 19.3.2008 kl. 23:09]

Í morgun þegar ég vaknaði átti ég enga hlið eftir svo ég fór á fætur, guði sé lof að hér voru engin skrímsli á ferð, nema þetta sem ég þekki og heitir Bjarni Ómar og er reyndar ekkert ógnvekjandi í mínum augum, lengur      knús

[Guðrún Þorleifs, 20.3.2008 kl. 08:45]

Þið eruð skemmtilegar

Gleðilega páska