Ferðalög og yfirsýn . . .

Er mikið að velta því fyrir mér þessa dagana hvernig ég get haft yfirsýn yfir ferðalög fjölskyldunnar nú í mars og apríl. Um er að ræða lengri og skemmri ferðalög. Sum ferðalögin vara fram í júní og lok júlí en þá eru önnur ferðalög tekin við hjá þeim er heim voru komnir.
Ég er að tala um 2 ferðir til Berlínar, 1 til Noregs, 1 til Suður Ameríku, 1 til Asíu, 1 til Afríku og 1 til Íslands + Íslandsferðir í sumarfríinu. Ég er svona með allar á hreinu nema þessa Berlínar ferð prinsessunnar. Vona að ferðin sé ekki þegar við BT erum í Afríku. Þetta er skólaferð en mér finnst betra að vita hvenær hún er farin, get bara ekki munað það... Þegar við erum í Berlín verður hún í Noregi. Þegar við förum til Afríku fara Baldi og Birna í sína 4 mánaða reisu til Asíu og Mið-Ameríku. Ingunn fer svo í sína Suður-Ameríku ferð þegar ég kem frá Íslandi  í apríl, svo ég næ að kveðja hana. Við verðum síðan á Íslandi þegar Baldi og Birna enda sína ferð hér í DK í lok júlí. En hvar Berlínaferðin hjá prinsessunni er það bara man ég ekki   ..og hvenær hún fer til Ameríku það vitum við ekki. Enn sem komið er sýnist mér að það sé alltaf einhver heima til að passa hundinn

Ég þarf líka að skipuleggja mig út af náminu. Þarf að vera með verkefnaskil viku á undan planinu svo það er nú eins gott að láta páskana ekki bara fara í súkkulaðiát og hjólatúra

Held að nú sé komin tími á að fara teikna smá eða gera plan?

Athugasemdir

[Ásdís Sigurðardóttir, 11.3.2008 kl. 15:16]

Það er þá ekkert að það á að ferðast í sumar.  Okkur langar til Köben og London en eina sem er ákveðið eru tónleikaferðir til Reykjavíkur í júlí og ágúst, annað er óplanað.  Kær kveðja í danska vorið. 

[Guðrún Þorleifs, 11.3.2008 kl. 15:37]

Vona sannarlega að þú komist til Köben og London Við erum nú 5 hér í famelíunni og það skemmtilegasta í þessu öllu er að sonurinn er að flytja til Köben þegar hans heimsreisu líkur. Ekkert smá ánægð með það Hjá mér verður þetta full töff, 3 ferðir frá 27 mars til 20 apríl með skólanum. Eins gott að halda vel á spöðunum fyrst maður vill ekki missa af neinu

Knús og góðar kveðjur til ykkar á Selfoss 

[Hulla Dan, 12.3.2008 kl. 06:40]

Já já. Á aðeins að skella sér í frí
Ég fer kannski í lególand

[Guðrún Þorleifs, 12.3.2008 kl. 08:44]

Hulla, þetta er týpiskt ég, allt að gerast í einu og svo logn  held ég . . .

Lególand er frábært á góðum degi þegar ekki er alltof margt fólk. Mig langar að sigla til Ærå í sumar. Það er geggjaður staður hér rétt hjá. Elska að koma þangað og skoða aftur og aftur það sama

[Einkasonurinn 12.3.2008 kl. 13:23]

Þetta er nokkuð svakalegt en við skötuhjúin höfum ekki í huga að fara til mið-Ameríku í þessari ferð. Það er kannski ekki skrítið að þú ruglir þessu eitthvað saman. Við töluðum jú um það einu sinni. Ferðaplanið er eitthvað í þessa áttina:

Ísland - Indland - Nepal - Víetnam - Cambódía - Thailand - Malasya - Singapore - Danmörk

Lagt af stað 3. apríl og komið til Köben 31. júlí. Samtals 18 vikur.

Þetta er allt að bresta á, vegabréfsáritanir til Indlands komnar í hús, förum í síðustu sprautuna á morgun og síðast en ekki síst, kominn með linsuna í hendur sem ég ætla með í ferðina. 

[Guðrún Þorleifs, 12.3.2008 kl. 18:43]

Æi... Baldi minn. Í dag sagði ég manninum í bakpokabúðinni að þú værir að fara til Perú eða??? Bara muna að fara ekki til Nýja Sjálands

Hlakka til að sjá afrakstur nýju linsunnar BBB var í stífkrampasprautu á mánudaginn og hún er enn í henglum eftir hana!!!