Í fjarlægð

Obbobbbbb . . .

Nú vona ég að sumarið komi með hraði!

Í vorfíling skellti ég mér út í garð og ákvað að greinastífa kirsuberjatréð. Fékk munnlegar leiðbeiningar, um það síðastliðið haust. Ekki var verkkvíða fyrir að fara né heldur áhyggjum af árangri. Eins skynsöm og ég er beið ég þar til BT var farin í hjólatúr til Jótlands. Það var á dagskrá hjá mér að þjálfa tvíhöfða og þríhöfða ásamt armlyftum. Fannst mér þessi garðvinna passa vel inni það plan. Kirsuberjatréð okkar er 8 ára. Þegar við plöntuðum því ásamt plómutrénu, voru þetta 2 væskilslegar spírur sem maður átti ekki von á að lifðu sambúðina með okkur. Annað kom á daginn og hafa þessar spírur nú tekið hamskiptum og eru að fylla bakgarðinn.

Þar sem við ætlum ekki að búa í frumskógi var sú ákvörðun tekið að setja Kirsuberjatréð í þá hæð að við gætum sett yfir það net og þannig komið í veg fyrir að fuglarnir stælu á einni nóttu allri uppskerunni og lægju svo dauðir hinum megin við hekkið. Munið þið?

Já, nú er ég búin að klippa og saga kirsuberjatréð okkar. Þetta var mikil æfing. Margir vöðvar sem þurfti að þjálfa.

Nú er tréð okkar tannstönglar....

Meginflokkur: Vinir og fjölskylda | Aukaflokkar: Bloggar, Lífstíll | Laugardagur, 8. mars 2008 | Facebook

Athugasemdir

Æ,æ,æ.... að maður gæti bara átt svona gersema úti í garði hjá sér. Ég man þá tíð, að við fórum út og tíndum perur og ber í nestisbox sonar míns árla hvern morgun - meira að segja plómur áttum við þegar sumrin voru góð, og svo heslinetur á haustin...... En eplin af okkar trjám voru sjaldnast annað en "madæbler".....

Ég er bara ennþá á Fróni, og ennþá að öfunda þig og spá í það, af hverju ég dríf mig ekki út aftur í allt "af slappelsed" og "hyggeaftenen"

Lilja G. Bolladóttir, 8.3.2008 kl. 20:27

Ertu þá ekki með strengi á ólíklegustu stöðum??? hér voru engin tré söguð í dag, en við fórum út að viðra okkur, yndislegt veður. Kær kveðja

Ásdís Sigurðardóttir, 8.3.2008 kl. 20:29

Ég kannast hins vegar alveg við það að fá harðsperrur af ólíklegustu hlutum..... ég hef fengið harpsperrur af því að setja sumarblóm í potta (af því að ég þurfti að beygja mig svo mikið), og þegar ég fer í keilu með syni mínum nokkrum sinnum á ári.... þá fæ ég alltaf strengi í allan hægri framhandlegginn plús aftanvert vinstra lærið Maður má greinilega ekki við mörgu eftir að maður kemst yfir þrítugsaldurinn.........

Lilja G. Bolladóttir, 8.3.2008 kl. 20:34

Ég er ekki með strengi neins staðar og í fyrramálið fer ég í tölvuna og læri Einmitt, fór ekki í spinnig í dag. Veit ekki hvernig feimna ég á að byrja á nýjum stað Hrikalega erftitt að byrja á nýjum stað og vera svona góð

Lilja ég held ég ætti að fara í keilu, er ferlega góð eftir nokkur "skot" .

Guðrún Þorleifs, 9.3.2008 kl. 01:48

Blessi þig á sunnudagskvöldi.

steina

Steinunn Helga Sigurðardóttir, 9.3.2008 kl. 16:59

Stundum dettur mér í hug að okkar garður sé á sterum
Ólíkt heima (á 'Islandi) þar sem ekkert óx í okkar garði... þá vex allt hér 4x hæð sína á hverju sumri. (þarna koma ættar ýkurnar aftur inn) Hef ekki undan að klippa og brenna hérna. Er að hugsa um að leyfa bara garðinum að vaxa villt þetta sumarið...

Strengir??? Alvöru kvennfólk fær ekki strengi.
Alvöru kvennfólk lærir auðvitað að hreyfa sig þannig að allir vöðvar séu vel varðir fyrir hvers konar áreiti
Þökkum guði fyrir karlmennina okkar.

Hulla Dan, 9.3.2008 kl. 19:16

Takk fyrir innlitið Steina og kærar kveðjur til ykkar.

Hulla, á Íslandi óxs gras og mosi í garðinum okkar. Ef ég horfði á tré eða blóm, dó það mjög fljótlega . . . Ég er búin að blogga þvílík þyrnirunnaklippingablogg hér. Mér líður eins og Jóa með Baunagrasið, full mikill vöxtur og ekkert drepst