Í fjarlægð

Góðan daginn, hvað er í gangi??? Eru Danir að verða vitlausir?

Eitthvað á þessa leið varð mér hugsað í morgunn þegar við Billi renndum inn á stæðið við líkamsræktarstöðina okkar. Málið er að ég hef ekki mætt þar í 4 vikur (var í spinninginu) og Billi í 3 vikur. Jólafríið, jú nó Þetta sem mætti okkur á planinu var nú of mikil breyting fyrir mitt sálartetur svo snemma dags. Bílaplanið sem aldrei hefur haft meira en 0 til 2 bíla þegar við mætum rétt fyrir 6.00 var fullt af bílum, ja, allavega voru þarna 10 - 15 bílar og inn um gluggana sáum við fólk sem komið var á fleygiferð í tækin!!! Halló, hvað hafði breytst á þessum vikum sem við vorum í jólafríi? Fara Danir virkilega svona snemma að sofa í skammdeginu að forsenda sé til að flytja opnunartímann til 5??? Úff... var bara pláss fyrir okkur? Létum reyna á það og fórum inn steinhissa á þessum ósköpum. Ég skellti mér í kvennaklefann gekk frá mínu dóti og svo upp í krosstreinerinn. Þar var Billi kominn og byrjaður að puða. Mér varð litið á klukkuna upp á vegg og spyr Billa: Billi minn, hvenær léstu klukkuna vekja okkur í morgunn? Hann leit á mig, svo á klukkuna á veggnum og svaraði: kl.06.30

Ó, já. . .

Meginflokkur: Bloggar | Aukaflokkar: Lífstíll, Vinir og fjölskylda | Þriðjudagur, 8. janúar 2008 | Facebook

Athugasemdir

Úpps! ég var á tímabili við lestur færslunnar farin að halda að Danir væru jafn klikkaðir í líkamsrækt eftir jólin og Íslendingar en þá var það bara maðurinn þinn sem vildi sofa lengur

Huld S. Ringsted, 8.1.2008 kl. 22:14

Lúmskur kallinn ´:):) gott hjá honum, stundum nennir maður bara ekki framúr. Núna nenni ég ekki uppí, hvað á ég að gera?? kveðja til árrisulla Dana.

Ásdís Sigurðardóttir, 9.1.2008 kl. 01:18

Stelpur, hann heldur því enn fram að þetta hafi verið óvart En þegar við fórum út úr ræktinni í gærmorgunn sagði hann sáttur: það var nú fínt að byrja bara rólega .. og auðvitað var ég sammála