Komin heim að heiman

Lenti hér í DK um hádegi í gær. Þurfti að fara á fætur á biluðum tíma. Datt nefnilega strax inn í íslenska tímann því við komum svo seint til Ísl.

Þetta var algerlega frábær ferð! Ekki skemmdi veðrið. Hef ekki verið á ísl. í ágústmánuði síðan 1998 og fannst frábært að koma út í morgunnloftið  Skellti mér í smá hlaup fyrsta daginn. Fór gamlar slóðir um Bakkana. Bara stutt því ökklinn minn er ekki par hrifinn af þessum hlaupum. Ég er samt ákveðin í að halda áfram í rólegheitum og sjá hvort þetta er ekki bara spurning um að gefa þessu tíma rétt eins og þegar ég byrjaði að hjóla aftur í vor. Slæmt að vera svona mikill vitleysingur eða viðvaningur þegar maður meiðir sig að maður fattar ekki alvöru málsins Reyna að læra af því

Skutlaðist í Þorlákshöfn á föstudeginum með soninn. Komin á fullorðinsár ákvað hann að fara til Eyja með kærustunni.  Allt í lagi mín vegna en ekki þegar hann var 16 og 17  

Afmælisdagurinn hans pabba var ljúfur og góður í alla staði. Frábært að geta verið með honum og fjölskyldunni  

Ég skelli mér svo austur á laugardagskvöldinu með stelpurnar mínar. Leiðin lá upp að Heklu, þar sem kaldavatnslaust var í mínu húsi. Þar dvöldum við í góðu yfirlæti hjá litlu systur og fam. til mánudags. Á sunnudeginum bættist bróðir minn í hópinn með sína fam. Aldeilis frábært

Ég ákvað að fara um gamlar slóðir með dæturnar, svo á sunnudeginum skelltum við okkur út á íslenska malarvegakerfið og ókum (hristumst) sem leið lá í Landmannahelli. Alltaf fallegt að fara þessa leið og gott fyrir stelpurnar að þekkja hana. Hefði verið nóg að renna inn í Áfangagil, svona miðað við veginn.

Á mánudeginum fórum við svo niður Land og komum við í kirkjugarðinum. Litum inn á einum bæ hjá góðum vinum og renndum síðan að okkar húsi. Alltaf fallegt þar og víðsýnt. Vatnsleysið þar er greinilegt merki um þurrviðrasamt sumar.

Sveitin mín er mikið að breytast þessi misserin og skrítið að sjá það.

Ferðin í bæinn gekk vel þrátt fyrir mikla umferð. Finnst samt rólegra yfir ökumönnum en ég hef áður upplifað og vona að þar sé bætt umferðarmenning á ferðinni.

Skrítið að aka í gegnum Selfoss og sjá gömlu húsin farin. Mér finnst ekki söknuður af þeim en er spennt að sjá hvernig til tekst með uppbyggingu nýs miðbæjarkjarna. 

Góð ferð í alla staði

 

 

Athugasemdir

[Ásdís Sigurðardóttir, 9.8.2007 kl. 11:56]

Hæ skvís. Gott að heyra hvað ferðin gekk vel og afmælið og allt það.Já, Selfoss er skrítinn bær í dag, vona að menn beri gæfu til að byggja vel upp. Þú hefur verið ótrúlega nálægt mér, kannski hittumst við næst. Farðu nú vel með þig dúllan mín og kær kveðja.

[Guðrún Þorleifs, 9.8.2007 kl. 12:06]

Já, Ásdís mín, maður var í nágreninu mundi bara ekki hvaða blokk ég átti að vinka

Næsta ferð verður vonandi fyrr en varði, en hún verður líklega voða stutt en samt margt hægt að gera

Skellti mér út að hjóla í morgunn, alveg frábært að hreyfa sig smá.

Hvernig gengur þér með planið þitt? 

Bloggvinaknús til þín

[Huld S. Ringsted, 10.8.2007 kl. 00:59]

það er alltaf svo gott að koma heim aftur. Gaman að heyra að ferðin til Íslands var fín