Det kan . . .

Sit hér í rólegheitum í hverfinu órólega. Skrapp meira að segja niður á Nörreport að versla. Allt rólegt. Ekkert að gerast fyrir utan eðlilega hreyfingu á fólki og bílum, fram og til baka.

Gott mál.

 

Skellti mér á fyrstu æfinguna eftir uppskurðinn. (hér er ekki niðurskurður) Ákvað að taka innanhússæfingu þar sem enn er kalt í lofti þó vorið sé sannarlega á leiðinni. Valdi að taka eina góða æfingu í IKEA. Gekk fínt, fyrir utan smá verki og einbeitingarskort. Það gerir samt ekkert, get bara farið aftur í IKEA seinna og einbeitt mér betur þá Kannski þegar búðin er lokuð, svo ekki verði gengið svona utan í mig og á mig. Er svo "sart" í augnablikinu og kannski líka ögn "langsom" og "ved siden af".

Það er frábært að geta leyft sér að fylgja svona skyndihugmynd og drifið sig af stað þangað sem mann langar. Síðast þegar við tókum svona snögga ákvörðun skelltum við okkur til Berlínar að sjá maraþonið þar. Frábær ferð líka.

Ég hef svo í hvíldarhléum mínum skipulagt aðrar ferðir. Það er jú nauðsynlegt fyrir ferðafuðu að ferðast og sjá heiminn nær og fær.  Ætli ég kjósi ekki bara á Íslandi, svona til að vera viss um að mitt atkvæði komist á réttan stað.

Já kæru bloggvinir, lífið er ævintýri sem á að njóta. Núið er nú

Ja det kan mærkes at man liver.

 

Athugasemdir

[Ía Jóhannsdóttir, 1.3.2009 kl. 21:18]

IKEA er eki í lagi með þig!!!!!!!!!!!!!!!  Ekki að ræða það að ég fari þangað þegar ég hf fótaferð hehehhe.... annars langar mig svo mikið að vita hvað var verið að krukka í þig.  Vonandi ekkert alvarlegt Guðrún mín.

[, 1.3.2009 kl. 21:28]

Æ Guðrún mín. Vona að þú farir nú varleg með þig -IKEA er kannski full massíft fyrir fyrsta dag í endurhæfingu. En kjarkinn skortir greinilega ekki

[Guðrún Þorleifs, 1.3.2009 kl. 21:57]

Sammála, IKEA á sunnudegi og allir nýbúnir að fá útborgað er ekki staður fyrir járnlausa járnlady í endurhæfingu.
Hef það betra hér upp í sofa við tölvuna sem ég sappa á, í órtrúlegu eyrðarleysi. Nenni ekki að lesa né festi hugann við neitt. Þetta hlýtur að lagast því ég elska að lesa

[Steinunn Helga Sigurðardóttir, 2.3.2009 kl. 07:55]

gangi þér vel í endurhæfingunni, verst að tívolí er ekki opið, það væri sko góð einbeiting í því hehe

KærleiksLjós til þín

Steina

[Lilja G. Bolladóttir, 2.3.2009 kl. 10:48]

Það var lagið, Guðrún mín, maður á að njóta lífsins en ég er nú sammála sumum að Ikea er líklega ekki rétti staðurinn..... ég fer aðeins í Ikea af illri nauðsyn og hún skal vera mjög ill

Gangi þér nú vel í endurhæfingunni og mundu, eitt skref í einu.... góðir hlutir gerast hægt

[Gudrún Hauksdótttir, 2.3.2009 kl. 11:09]

Gangi tér vel í endurhæfingunni.Fardu samt vel med tig  min kæra.

Hilsen fra Hyggestuen ,Jyderup

[Guðrún Þorleifs, 2.3.2009 kl. 22:27]

Steina, Tívolíð... þú segir nokkuð. Hefði sennilega klárað mig

viðurkenni fúslega að IKEA um mánaðarmót, blóðlítil og auli er ekki sniðugt. En maður leggur ýmislegt á sig til að gleðja börnin sín 

Í dag tók ég Strikið sem æfingaplan. Það var fínt. Fámennt og gott

Hef svo bara dundað mér hér heima hjá syninum við að versla á netinu. Reynir ekkert á mann 

Knús á ykkur 

[Aprílrós, 9.3.2009 kl. 00:24]

Farðu vel með þig elskuleg ;)