Í dag . . .

Í dag er ég heima og á að vera að læra. Ætla að gera það á eftir er bara að koma mér í gang. Trúið mér þegar maður vaknar klukkan 5.00 að morgni þá tekur tíma að koma sér í gang. Er að taka þetta upp sem "ósið", sem ég held að gangi ekki alveg upp nema ég fari fyrr að sofa Ástæðan fyrir þessum fótaferða tíma er að kíkja í tölvuna, aðeins á msn . .
Já, svo húkkt á msn að ég ríf mig upp fyrir allar aldir til að kíkja á msn. Kannski ferlega hallærislegt þegar litið er til þess, að það er "inn" að vera á Facebook   Eitthvað er mér nú skitt sama um það, enda ástæða fyrir þessu msn næturbrölti mínu Jú, ég á von á að hitta á prinsessuna mína inni á þessum tíma. Þetta er rétt áður en hún fer að sofa, svo ég næ stundum smá "spjalli" við hana, ferlega gott.
Merkisdagur í dag, 17. september 2008. Dagurinn sem ég fer til dansks bæklunarlæknis út af ökklanum sem ég snéri 21. október 2006. Þetta er nú bara mér að kenna. Ég hef aldrei meitt mig áður og hélt að það væri öðruvísi með mig en aðra, það þyrfti ekkert að taka tillit til þessara meiðsla, bara halda áfram án þess að gera nokkuð. Núna veit ég betur, held ég. . . Reyndar var ég svo kvalin í janúar 2007 þegar ég var stödd á Íslandi að ég fór til læknis þar sem tók röntgenmynd en sá ekkert að mér. Gaf út lyfseðil á verkjatöflur og bólgueyðandi og sagði að þetta lagaðist. Hvort ég er yfirmáta óþolinmóð læt ég ósagt en í vor sannfærði ég heimilislæknirinn hér um að ég væri nánast að tapa mér  yfir þessu svo hún sendi tilvísun á bæklunarlækni í Åbenrå. Sá tím er núna, þökk sé hjúkkuverkfallinnu Hún lofaði mér jafnframt að ef þessi rannsókn sýndi ekkert, þá mundi hún senda mig á einkasjúkrahús fyrir íþróttameiðsl. Jeee ræt . .  einmitt eitthvað fyrir mig, hlýt að eiga vera þar, alveg hætt að hreyfa mig út af þessu, svo vont þegar fóturinn bólgnar upp og maður kemst varla úr skónum Ég er kveif, veit það. Já og ástæðan fyrir því að ég get farið á msn brölt á næturnar get ég þakkað ökklanum. Já, ég vakna undir morgunn vegna verkja í honum svo fátt er svo með öllu illt að ei boði gott
Þetta var "ég um mig" blogg dagsins í boði GÞ

Athugasemdir

[Kristín Gunnarsdóttir, 17.9.2008 kl. 08:57]

Vonandi færðu bót meina þinna, það getur ekki verið gott að vera með endalausa verki og bólginn fót.

Kærleiksknus

[Hulla Dan, 17.9.2008 kl. 19:19]

Voðalegt kvein er þetta í þér!!! Þú ert með 2 ökla og mér finnst bara að þú getir notað hinn!
Hahahaha, vona að þú takir ekki mark á mér.
Góðan bata og ég skil þig vel að rífa þig á lappir fyrir allar aldir til að ná að spjalla við snúlluna þína.