Myndablogg

Smá fréttir í máli og myndum. Ég er enn horfin en kem smátt og smátt í ljós eða það vona ég. Búin að mæta x3 í ræktina og taka einn góðan göngutúr í skóginn. Ég þori ekki annað en að fara hægt af stað því ökklinn er viðkvæmur og ég dauðsmeyk um að ofgera mér aftur. Ekki get ég lifað á Voltarin því það drepur víst. Það var allavega sagt hér í fréttum um daginn og hlýtur því að vera rétt.  Ég á að vera að vinna að lokaverefninu en þjáist af einbeitingarskorti.Langar að setja hér inn nokkrar myndir sem ég hef tekið hér og þar í haust. Verð að viðurkenna að mér finnst verulega leiðinlegt að minnka myndir til að geta sett þær hér inn.  

Þegar ég var á Íslandi í lok október fékk ég "alvöru" jólaveður og hef verið í jólastuði síðan.

 

Eftir dvölina á Íslandi eyddi ég helgi í Köben og þar voru þessi blóm og glöddu mig og aðra. 

 

Skrapp líka til Helsingborg og Helsingör

 

Úr skóginum mínum

Skógurinn er aldrei eins

 

Skógurinn liggur að sjónum

 

Það er bara fallegt

Skógurinn er ævintýrastaður og ég elska að fara þangað.

Athugasemdir

[Ásdís Sigurðardóttir, 25.11.2008 kl. 17:12]

Yndislegt myndablogg takk  vona að allt sé í góðum gír hjá þér og þínum. Kærleikskveðja

[Guðrún Þorleifs, 25.11.2008 kl. 17:53]

Takk fyrir það Ásdís mín, kíktu bara á hitt bloggið þá sérðu gleði dagsins

Gul er komin til mín og verður eh. múttan er ansi veik.

Kær kveðja til ykkar Bjarna

[Sigríður B Svavarsdóttir, 25.11.2008 kl. 18:07]

Velkomin í hópinn minn nafnlausa persóna. Alltaf kann ég betur við að vita hver er hvað, eða hið minnsta hvort kynið minn blogg vinur er. Skemmtilegar myndir frá norðurlöndunum. Trúlega býrð þú þar.

Hlý kveðja

[Guðrún Þorleifs, 25.11.2008 kl. 18:22]

Sæl Sigríður og takk fyrir að samþykkja bloggvináttu hjá mér. Annars er ég bara tímabundið smá horfin, því ég hafði þörf fyrir að prófa það. Ég ekkert leyndarmál heiti Guðrún Þorleifs og er búin að vera búsett í DK í tæp 10 ár. Kem fram þegar markmiðið mitt er komið af stað bara díll við sjálfa mig

[Ía Jóhannsdóttir, 25.11.2008 kl. 21:49]

Kæra vinkona, hef ekki haft tíma til að fara í skógarferð síðan ég kom frá kalda landinu.  Flottar myndir.  Um helgina verður bætt úr því vonandi.

Gangi þér vel með lokaverkefnið og elsku ekki ofgera þér veit alveg hvað það þýðir, nokkrir mánuðir í viðbót í andsk. basli.  Sem sagt tala af eigin reynslu.

Knús til þín.  Ferð´u ekki að endurheimta karlangann fljótlega hehehhe..... 

[Guðrún Þorleifs, 25.11.2008 kl. 22:25]

Sæl Ía mín, ég vona að þú komist í skóginn, það er svo gott.
Ég reyni af mætti að gera tvennt, fara rólega af stað og að koma mér í gang aftur. Finnst ég svo horfinn sjálfri mér þegar ég er ekki að hreyfa mig. Lokaverkefnið mjakast fínt enn ég er eh tímavilt. En það reddast allt á ekki von á öðru.

BT er væntanlegur viku af des svo hér er enginn itl að elda ofan í mig.

Kær kveðja

[Aprílrós, 25.11.2008 kl. 23:49]

Flottar myndir . Mér finst fallegustu myndirnar af náttúrunni, tek samt alltof litið af þeim, og er skíringin sú að ég á ekki almennilega myndavél til þess.

[Sigríður B Svavarsdóttir, 26.11.2008 kl. 12:39]

Ók Guðrún mín.  Ég hef nefnilega lent í því að fá hvorukyns heiti sem vildi verða bloggvinur minn, ég samþykkti það, en lenti svo í að halda persónuna á bak við heitið konu... sem reyndist svo vera karl. Það fannst mér vera leiðinlegt. Bara velkomin í minn hóp. Gaman að eiga bloggvini víðar en á Íslandi. Þú ert númer 3 frá Danaveldi.. Ljós inn í daginn þinn.

[Guðrún Þorleifs, 26.11.2008 kl. 15:40]

Skil þig mæta vel.