Til að . . .

. . . taka af allan vafa þá er rétt að ég segi eins og er varðandi skápaframkvæmdir mínar í gær. Einhvern veginn held ég bara að þetta blogg hafi misskilist og breitt sig út á netinu eins og góðverk. OMG ... allir búnir að tæma fataskápana sína til að gefa þurfandi

Geri mér grein fyrir að elskulegir bloggvinir mínir þekkja mig ekki í alvöru og gleypa því agnið þegar það er sett út. Ég hefði átt að vita þetta eftir að Ásdís var hér. Hún hélt að ég væri svo aumingjagóð að hún lagði það á sig fyrir "góðu" mig að dansa ballett við fiðluleik Boris Violin Rúmenski þegar hann æddi hér inn í matarboð hjá mér fyrr í sumar og ég hef varla sagt frá. Já, stundum kann ég að skammast mín fyrir óknytti en alls ekki alltaf
Ástæðan fyrir því að ég datt inn í fataskáp í gærmorgunn er í alvörunni sú, að ef ég hefði ekki dottið þangað þá hefði ég orðið að fara út og hreinsa illgresi með fram innkeyrslunni hjá mér, af því ég var búin að ákveða að ég ætti að gera það ... og ef ég er alveg heiðarleg þá var æðsta óskin sú að hafa pláss í skápunum ef ég finn fatnað sem langaði til að ég ætti sig 

Já, svo nú er það á hreinu: Guðrún er eiginhagsmunapúki fram í fingurgóma og er á köflum svo ósvífin að henni finnst það ok 

...og meðan ég er enn að: látið ykkur aldrei detta í hug að taka feil á mér og Hjálparstofnun Kirkjunnar eða Flóttamannahjálp Sameinuðu Þjóðanna, það fer ekki vel!

 

Over and out í garð að kantskera.

 

Kæru bloggvinir, get ekki kommentað hjá ykkur í þessari öryggisgæslu sem tölvan mín er hneppt í að hluta til.

 

Humm... og um næstu helgi ætla ég að bæta á mig þremur kílóum. Ásdís segir ( tala ég bara við hana ) að maður þyngist um 3 kíló við að verða fimmtugur og þar sem ég hangi á horreiminni þá ætla ég að redda mér þannig með því að halda mörg fimmtugsafmæli

Athugasemdir

[Ásdís Sigurðardóttir, 17.8.2008 kl. 21:33]

Æ, þú ert náttl bara dúlla, þessi kíló eru svo yndisleg, ég gleð mig og kallinn á hverju kvöldi núna með ís, berjum og súkkulaðisósu. Óleyfilega gott. Knús á ykkur og Laugu

[Lilja G. Bolladóttir, 19.8.2008 kl. 02:06]

Ég óska þér fyrirfram til hamingju með afmælið!! Vonandi færðu góðan dag og góða veislu með fullt af magakonfekti  

[Guðrún Þorleifs, 19.8.2008 kl. 06:26]

Æiiii Lilja ég er búin að eiga afmæli í ár, er sko ljón sem ekki vill sjást  Var á Íslandi í 3 vikur í sumar og átti afmæli þá, sem stóð í 3 daga  Nú er ég bara að trappa niður og held eitt hér með þeim hluta fjölskyldunanr sem ekki var á Íslandi og vinunum sem hér búa Veit ekki hvar þetta endar hjá mér