Að trúa á áhrifamátt sinn

Að trúa því að maður geti haft áhrif er mikilvægt. Oft mæti ég fólki sem segir: Æ, það þýðir ekkert fyrir mig að segja neitt, það breytir engu. Ég er þeirrar skoðunar að það sé ekki rétt mat. Að ég ætti til að hugsa svona var ég ekki alveg með á hreinu. En svo var mér bent á frétt á visir.is sem minnti mig á mikilvægi þess að trúa því að maður geti haft áhrif með því að tjá skoðun sína. Þess vegna ætla ég að panta viðtal við skólastjórann í skólanum þar sem ég var á fundi á mánudaginn var.

Þessir 6 ára guttar trúa á áhrifamátt sin. Í 3 daga stóðu Aron t.v og Arnþór t.h. með spjöldin sín og tjáðu skoðun sína á bensínverði. Algerlega frábært hjá þeim félögum. Hér er fréttin öll 

 Ég þarf varla að taka það fram að Arnþór er systursonur minn

 

Athugasemdir

[Ásdís Sigurðardóttir, 3.5.2008 kl. 16:16]

Duglegir drengir þarna á ferð.  Upprennandi baráttumenn ekki spurning, það þarf alltaf að hafa einhverja sem eru til í að mótmæla óréttlæti.  Kær kveðja til þín elsku vinkona, það styttist í sumarið sem vonandi þýðir það að ég komi til Danmerkur.  Sólarsamba   

[Guðrún Þorleifs, 3.5.2008 kl. 16:28]

Þetta er allt að koma. Sumarið og skemmtilegheit   og strákarnir, þeir eru góðir

[Ásdís Sigurðardóttir, 3.5.2008 kl. 17:32]

Ég kem með varalit til þín ekki spurning, hvað er ég lengi með lest frá Köben til þín??  knús í hlýjuna